Казанда 13 яшькә кадәрге егет һәм кызлар арасында теннис буенча Россия беренчелеге узачак
Казан теннис академиясе кортлары (Оренбург тракты, 101) 22 майдан 30 майга кадәр 13 яшькә кадәрге егет һәм кызлар арасында Россия беренчелеген каршылаячак.
Турнирда Татарстан җыелма командасын 10 спортчы тәкъдим итәчәк: Фәхретдинов Камал, Науметов Тимур, Гыйниятуллин Дамир, Сәлахетдинов Тимур, Вәлиев Дэвид, Беганский Ярослав, Тутулина Виталина, Борисова Адилә, Исаева Валерия, Никитина Мәликә.
ТР Теннис федерациясенең эксперименталь төркемнәрен Брызгалова Эмилия һәм Фәйзрахманова Зарина тәкъдим итәчәк.
Турнирны үткәрү графигы:
Дүшәмбе, 24 май: ялгыз разряд (төркем этабы) - кызлар һәм егетләр, парлы разряд-кызлар (1 нче әйләнеш).
Сишәмбе, 25 май: ялгыз разряд (төркем этабы) - кызлар һәм егетләр, парлы разряд-егетләр (1 нче әйләнеш).
Чәршәмбе, 26 май: ялгыз разряд (төркем этабы) – егетләр һәм кызлар, парлы разряд-егетләр һәм кызлар (2 нче әйләнеш).
Пәнҗешәмбе, 27 май: ялгыз разряд-егетләр һәм кызлар (1/8 финал), парлы разряд – егетләр һәм кызлар (чирекфинал).
Шимбә, 29 май: ялгыз разряд-егетләр һәм кызлар (ярымфинал), парлы разряд – егетләр һәм кызлар (финал һәм 3 нче урын өчен матчлар). Финал матчлары тәмамланганнан соң-бүләкләү тантанасы.
Якшәмбе, 30 май: ялгыз разрядта 3 нче урын өчен финал һәм матчлар. Финал матчлары тәмамланганнан соң-бүләкләү тантанасы.
Теннисны яратучылар һәм җанатарлар матчларны трибуналарда яки сайтта урнаштырылачак счетны турыдан-туры трансляцияләүне карый алалар.
Уеннарның сеткалары һәм расписаниесе белән сылтама буенча танышырга була.
Ярышларга керү ирекле.