Мәдәният йортында Социаль хезмәткәр көненә багышланган тантаналы чара узды
Мәдәният йортында Социаль хезмәткәр көненә багышланган тантаналы чара узды.
Бүген район мәдәният йортында социаль хезмәткәр көненә багышланган тантаналы чара узды. Чараның рәсми өлешендә социаль хезмәткәрләргә котлау сүзләре белән Әлки муниципаль районы башлыгы Александр Никошин мөрәҗәгать итте.
"Егерме ел элек күркәм традициягә – бу көнне кешеләргә хезмәт итүче иң гуманлы һөнәр ияләренең берсе – социаль хезмәткәрләрне олылауга нигез салынды,чөнки социаль хезмәткәрләр алдында дәүләт һәм җәмгыять тарафыннан аеруча игътибар таләп ителгән кешеләргә ярдәм итү бурычы тора.
Көн саен социаль хезмәткәр кешеләргә яктылык, яхшылык, җылылык һәм ихласлык бүләк итә. Объектив чынбарлык-бүген җәмгыять алардан башка яши алмый. Социаль яклау һәм халыкка социаль хезмәт күрсәтү өлкәсендә хезмәт куючы һәркемгә сезнең хезмәтегез һәм эшегезгә бирелгәнлегегез, теләкләрегез һәм эшли белүегез өчен чын күңелдән рәхмәтемне җиткерәм. Сезне чын күңелдән бәйрәм белән котлыйм! Сезгә һәм якыннарыгызга нык сәламәтлек, бәхет һәм иминлек телим! Һөнәри осталыгыгызда уңышлар юлдаш булсын! Александр Никошин тантана сәбәпчеләрен әнә шундый сүзләр белән котлады.
Шулай ук Әлки муниципаль районы Башкарма комитеты җитәкчесенең социаль мәсьәләләр буенча урынбасары Дарья Хәлилова да бик күп җылы рәхмәт сүзләре җиткерде, көн саен социаль хезмәткәрләр башкарган эшнең мөһимлеген һәм аларның яхшы сыйфатларын билгеләп үтте.
Бу авыр, әмма мондый кирәкле Һөнәрдә иң яхшы хезмәткәрләрне бүләкләү бәйрәмнең тантаналы мизгеле булды.
Мәдәният йорты тарафыннан әзерләнгән концерт программасы һөнәри бәйрәмгә чын бүләк булды.