Татарстанда тагын 49 кеше коронавирус йогышы йоктырган

2021 елның 2 сентябре, пәнҗешәмбе

«20 кеше хастаханәгә салынган, 29 кеше өйдә дәвалана», — диелә ТР Сәламәтлек саклау министрлыгы хәбәрендә.

Казанда — 29, Яр Чаллыда — 12, Азнакай, Әлки, Арча, Бөгелмә, Алабуга, Яшел Үзән, Менделеевск, Түбән Кама районнарында-1әр кеше авырган.

2 сентябрьгә Татарстанда 25 560 Covid-19 очрагы теркәлгән.

Узган чорда 22 358 кеше сәламәтләнгән, шул исәптән 57се узган тәүлектә.