Татарстан Росреестры дәүләт хакимияте органнары өчен укулар оештырды
Росреестр ведомствоның электрон хезмәтләре буенча республика җирле үзидарә органнары вәкилләре өчен онлайн уку уздырган.
Әлеге чара Татарстан Республикасы буенча Росреестр идарәсе инициативасы белән узды, анда барлыгы Татарстан Республикасы муниципаль берәмлекләре Башкарма комитетларының 30дан артык вәкиле һәм авыл җирлекләре башлыклары катнашты.
Белем бирү барышында экспертлар Росреестр порталының төп хезмәтләре, аларның өстенлекләре турында сөйләделәр, шулай ук хокукларны теркәү һәм күчемсез милек объектларын кадастр исәбенә кую белән бәйле сорауларга җаваплар бирделәр.
“Без Росреестрның хакимият органнары электрон хезмәтләренә ихтыяҗ барлыгын күрәбез. Быел гына да Татарстан Росреестрына 50 меңнән артык электрон гариза кергән. Электрон хезмәтләрне популярлаштыру кысаларында, мондый семинарларны даими рәвештә үткәрергә планлаштырабыз", - дип билгеләп үтте Татарстан Росреестры җитәкчесе урынбасары Лилия Борһанова.