РФ Хөкүмәте «Пространство мәгълүматларының милли системасы»дәүләт программасын раслады

Дәүләт программасы илдә пространство мәгълүматлары системасын булдыруга һәм үстерүгә юнәлдерелгән.

Элегрәк РФ Хөкүмәте, гражданнар өчен инфраструктураны яңарту һәм уңайлы мохит формалаштыру максатында, «Төзелеш» юнәлеше буенча, 2030 елга кадәр социаль-икътисади үсеш инициативалары исемлегенә пространство мәгълүматларының милли системасын формалаштыруны кертте.

Программа дүрт стратегик максатларга ирешүгә юнәлдерелгән:

- төбәк мәгълүмат системалары белән интеграцияләнгән цифрлы илебез геопространстволарын булдыру һәм гамәлгә кертү.,

- күчемсез милекнең Бердәм дәүләт реестры (ЕГРН)мәгълүматларының тулылыгын һәм сыйфатын тәэмин итү,

- ведомствоның "санлы җитлегүенә" ирешүе,

- дәүләт хезмәтләренең һәм Росреестр сервисларының сыйфатын илнең һәм кешеләрнең социаль-икътисади үсеше мәнфәгатьләрендә арттыру.

Россия Федерациясе вице-премьеры Марат Хөснуллин билгеләп үткәнчә, НСПДНЫ булдыру һәм үстерү пространстволы үсешнең аерылгысыз өлеше һәм инструменты булып тора.

"Программа күп еллар эчендә беренче тапкыр комплекслы якын килүне тәкъдим итә. Бердәм Федераль геодезия станцияләре челтәре, илнең мультимедиа картасы, күчемсез милекнең тулы һәм төгәл реестры, пространство мәгълүматларының цифрлы платформасы булдырылачак, торак төзелеше өчен яңа җирләр әйләнешкә кертеләчәк. Бу базада Җир эзләү һәм бирү өчен яңа сервислар барлыкка киләчәк, кадастр исәбенә алу һәм хокукларны теркәү сроклары кыскартылачак. Моннан башка территорияләрне алга китешле үстерү, төзелеш һәм күчемсез милек өлкәсендә илкүләм проектларны гамәлгә ашыру, һәр россияленең торак шартларын яхшырту мөмкин түгел", - диде Марат Хөснуллин.

Росреестр җитәкчесе Олег Скуфинский сүзләренә караганда, НСПД тармак проблемаларын хәл итүнең нәтиҗәле механизмы, аның үсеш драйверы булырга тиеш.

«Әлегә кадәр пространство мәгълүматларының аермалылыгы, импортны алыштыру һәм юридик яктан әһәмиятле картографик нигез булдыру проблемалары хәл ителмәгән. Җир һәм күчемсез милек турында бер тәрәзә режимында комплекслы мәгълүматларны оператив алу инструментлары юк. НСПД булдыру пространство мәгълүматларын берләштерергә һәм структуралаштырырга, аларның гражданнар, бизнес һәм дәүләт органнары өчен үтемле булуын тәэмин итәргә, территорияләрнең икътисадый потенциалын күрсәтергә мөмкинлек бирәчәк. Асылда, без территорияләрне үстерү һәм кешеләр өчен дәүләт хезмәтләре күрсәтү буенча нәтиҗәле идарә карарларын кабул итү өчен платформа булдырачакбыз", - дип билгеләп үтте ведомство башлыгы.

Аерым алганда, 2030 ел ахырына кадастр исәбе һәм хокукларны теркәү буенча электрон хезмәтләр өлешен 95% ка кадәр арттыру, кадастр исәбен алып бару һәм хокукларны теркәү вакытын бер көнгә кадәр кыскарту, күчемсез милекнең Бердәм дәүләт реестрындагы белешмәләрнең тулылыгын һәм сыйфатын 95% күләмендә тәэмин итү планлаштырыла.

Җир һәм күчемсез милек турында Бердәм мәгълүмат ресурсын булдыру буенча экспериментны тормышка ашыру НСПД булдыруга беренче адым булды. Ул 2021 елда РФ Хөкүмәте йөкләмәсе буенча дүрт пилот төбәктә – Татарстан Республикасында, Иркутск өлкәсендә, Пермь һәм Краснодар крайларында үткәрелә. Проект дәүләт һәм муниципаль хакимият органнарының мәгълүмат системаларында булган төрле ресурсларны берләштерергә, аларның кабатлануын системалаштырырга һәм юкка чыгарырга тиеш. Шуның хисабына җир һәм күчемсез милек турында актуаль мәгълүматны эзләү кешеләр өчен җиңелрәк һәм үтемле булачак, идарә итү карарларының нәтиҗәлелеге, мәгълүматларның тулылыгы һәм төгәллеге артачак.

Агымдагы елның сентябрендә Росреестр җитәкчесе Олег Скуфинский Татарстан Республикасы Президенты Рөстәм Миңнехановка Җир һәм күчемсез милек турында бердәм мәгълүмати ресурсның тест контурын тәкъдим итте. Презентация барышында Татарстан Президенты әйләнешкә кертү өчен яраклы җирләр, шулай ук гражданнар һәм бизнес өчен яңа сервислар турында мәгълүмат белән танышты.

Хәзерге вакытта Татарстан Росреестры, шул исәптән ЕИР булдыру буенча эксперимент кысаларында, җитмәгән мәгълүматларны Күчемсез милекнең Бердәм дәүләт реестрына (ЕГРН) кертү буенча масштаблы эш алып бара.

"Әйтик, сынау районнарында (Әтнә, Питрәч, Яшел Үзән) муниципаль берәмлекләр чикләре, аеруча саклаулы табигать территорияләре, яр сызыклары һ.б. турында мәгълүматлар бердәм дәүләт реестрына инде йөз процент кертелгән, җир төзелеше документлары, реестр һәм кадастр эшләре электрон рәвешкә күчерелгән, күп санлы реестр хаталары төзәтелгән. Бу чараларның барысы да, нәтиҗәдә, Җир һәм суд бәхәсләрен киметүгә ярдәм итә, һәм безнең гариза бирүчеләргә күрсәтелә торган хезмәтләрнең сыйфатын сизелерлек арттыра», – дип билгеләп үтте Татарстан Республикасы буенча Росреестр идарәсе җитәкчесе Азат Җаббаров.