Әлки районы хуҗалык субъектлары өчен җәмәгать тыңлаулары узачак

Татарстан Республикасы Дәүләт алкоголь инспекциясенең Чистай территориаль органы хәбәр иткәнчә, 2023 елга беркетелгән субъектлар белән җәмәгать тыңлаулары үткәрү план-графигы нигезендә Әлки муниципаль районының хуҗалык субъектлары белән алкогольле һәм спиртлы продукцияне ваклап сату өлкәсендә хокук куллану һәм административ практика мәсьәләләре буенча фикер алышу буенча ачык чара уздырылачак.

Чара исеме: алкогольле һәм спиртлы продукцияне ваклап сату өлкәсендә хокукны куллану һәм административ практика мәсьәләләре буенча ачык фикер алышу.

 Чараны үткәрүче контроль-күзәтчелек органы исеме: Татарстан Республикасы Дәүләт алкоголь инспекциясенең Чистай территориаль органы. Докладчы - Татарстан Республикасы Дәүләт алкоголь инспекциясенең Чистай территориаль органы башлыгы Александр Андреевич Панов.

 Чараның датасы һәм вакыты: 2023 елның 13 июле, 10.00 сәгатьтә.

 Чараны үткәрү урыны: Әлки район мәдәният йорты (Базарлы Матак авылы, Крайнов ур., 55).

Чараның статусы: планлаштырылган.

Чараның кыскача тасвирламасы: алкоголь һәм спиртлы продукцияне ваклап сату өлкәсендә региональ дәүләт контролен (күзәтчелеген) гамәлгә ашырганда хокук куллану практикасы нәтиҗәләре турында фикер алышу; ачыкланган хокук бозулар сәбәпләрен анализлау һәм гамәлдәге законнарның контроль субъектларына аңлату.

Чара нәтиҗәләренә кыскача тасвирлама:   чара тәмамланганнан соң катнашучыларга кызыклы мәсьәләләр буенча тиешле консультацияләр һәм тәкъдимнәр биреләчәк.

Халык алдында үткәрелә торган чарада катнашу өчен теркәлергә һәм кызыксындырган сорауларны күрсәтелгән тематика буенча 2023 елның 12 июленә кадәр Aleksandr.Panov@tatar.ru электрон адресына җибәрергә була.

Мәгълүматны 8 (84342) 5-15-50 телефоны буенча белергә була.