Гриппны һәм ОРВИны профилактикалау-балалар учреждениеләрендә иртәнге фильтр
Гриппны һәм ОРВИны профилактикалау-балалар учреждениеләрендә иртәнге фильтр.Грипп-А, В һәм С гриппы вируслары китереп чыгара торган кискен вируслы респиратор инфекция, бизгәк, интоксикация һәм сулыш юллары зарарлануы белән чагылыш таба.Грипп кискен респиратор вируслы инфекцияләр-ОРВИ төркеменә керә.Авыручыларның күпчелеге 5 яшькә кадәрге балаларга туры килә, бу әлеге яшьтә үзенчәлекле вируска каршы иммунитет формалашуга бәйле.Кечкенә балалар өчен грипп үзе дә, аның катлауланулары да бик куркыныч: синусит, отит һәм, әлбәттә, үпкә ялкынсынуы.Үпкә ялкынсынуыннан соң еш кына калдык күренешләр сакланырга мөмкин.Мәктәпкәчә яшьтәге балалар арасында йогышлы авыруларның таралуына юл куймау буенча балалар мәгариф оешмаларында иртәнге фильтр оештыру мөһим чара булып тора, аның төп максаты балаларда йогышлы авыру билгеләрен иртәрәк ачыклау.ОРВИ һәм грипп авырулары сезонлы күтәрелү чорында бу мәсьәлә аеруча актуаль булып кала.Иртәнге фильтрны учреждениенең медицина хезмәткәре, ә ул булмаганда оешманың җаваплы персоналы үткәрә.Бала төркеменә кабул итү алдыннан балалар бакчасында ата-аналардан аның сәламәтлеге турында сораштыру, аннары тикшерү, шулай ук термометрия үткәрелә.Бала авырганда ата - аналарга аны хәтта җиңел формада да балалар оешмаларына җибәрергә ярамый.Бу авыру кеше һәм башка балалар өчен генә куркыныч түгел.Иртәнге фильтр вакытында ачыкланган авыру балалар яки авыруга шик булган балалар мәктәпкәчә һәм гомуми белем бирү оешмаларына кабул ителми, бу вакытта ата-аналарга консультация һәм кирәк булганда тиешле дәвалау билгеләү өчен участок табиб-педиатрына мөрәҗәгать итәргә киңәш ителә.Иртәнге фильтр нәтиҗәләре көн саен медицина хезмәткәре яки җаваплы зат тарафыннан иртәнге фильтр журналына теркәлә. Журналның булуы һәм көндәлек тулылыгы оешма җитәкчелеге тарафыннан контрольдә тотыла.Шунысын да билгеләп үтәргә кирәк, авырудан соң балаларны иртәнге фильтрда медицина учреждениесеннән белешмә булганда гына балалар учреждениеләренә алалар. Шуны истә тотарга кирәк: Авыруның беренче симптомнары булганда ук кичекмәстән медицина ярдәме сорап мөрәҗәгать итәргә кирәк!Нурлат территориаль бүлеге