Базарлы Матак авылының үзәк паркында «Татарстанда кыш» республика программасы кысаларында төп чыршыны ачу тантанасы булды

2025 елның 24 декабре, чәршәмбе

Базарлы Матак авылының үзәк паркында «Татарстанда кыш» республика программасы кысаларында төп чыршыны ачу тантанасы булды. 

Тамашачылар Әлки районы мәдәният йортының иҗат төркеме тарафыннан театральләштерелгән тамашаны күрделәр. Алар җырлар, биюләр, әкият персонажлары һәм тылсым дөньясына чумдылар. 

Әлеге тылсымлы вакыйгада җирле мәктәп укучылары аерым кунак булды. Балалар Яңа ел персонажларына күңелле уеннарда, дәртле биюләрдә һәм, әлбәттә инде, ялтырап торган чыршы тирәли традицион әйлән-бәйлән уйнауларда кушылдылар. Балаларның шатлыклы елмаюлары бәйрәмнең уңышлы узуын раслады!