Әлки районыннан хезмәт ветераны үзенең бер гасырлык юбилеен билгеләп үтә

Әлки районыннан хезмәт ветераны үзенең бер гасырлык юбилеен билгеләп үтә
Бүген Иске Әнҗерә авылында яшәүче Затия Рәхим кызы Зарипова үзенең 100 яшьлек юбилеен билгеләп үтә.
Затия Рәхим кызын бу истәлекле вакыйга белән Әлки районы башлыгы Александр Никошин котлады. Ул юбилярга чын күңелдән нык сәламәтлек һәм рухи күтәренкелек теләде, шулай ук аңа Россия Федерациясе Президенты Владимир Путин, Татарстан Республикасы Рәисе Рөстәм Миңнеханов исеменнән һәм шәхсән үз исеменнән котлау открыткалары тапшырды. Моннан тыш, Александр Федорович бүләкләр тапшырды.
"Сез бүген 100 еллык юбилеегызны билгеләп үтәсез, — дип мөрәҗәгать итте Александр Федорович хезмәт ветеранына. - Сезнең тормыш — безнең өчен ныклык һәм хезмәт сөючәнлек үрнәге. Сез сугыш һәм сугыштан соңгы елларның барлык авырлыкларын кичердегез, шулай ук районыбызны үстерүгә күп көч куйдыгыз. Моның өчен рәхмәт сезгә! Исән булыгыз!»
Котлауларга РФ Дәүләт Думасы депутаты Олег Морозовның ярдәмчесе Луиза Абдрахманова да кушылды. Ул юбилярга Олег Морозов исеменнән хөкүмәт телеграммасын, шулай ук бүләк  тапшырды.
Бу көн Затия Рәхим кызы өчен җылы һәм игътибарлы чын бәйрәмгә әверелде.