Әлки муниципаль районы

Авыл хуҗалыгы һәм эшкәртү сәнәгате хезмәткәрләре көне белән Фердинат Дәүләтшиннан котлау

2014 елның 12 октябре, якшәмбе

Әлеге котлауда мондый сүзләр бар: "Хөрмәтле авыл хуҗалыгы уңганнары! Иген игеп, терлекчелек тармагы продукциясе җитештереп, сез туган илебезнең азык-төлек куркынычсызлыгын тәэмин итәсез, ягъни һәр ватандашыбызның өстәлендә күпереп пешкән хуш исле икмәк, тәнгә көч бирерлек югары сыйфатлы ит-сөт ризыклары, яшелчә һәм җиләк-җимеш җитәрлек булсын дип тырышасыз. Үз эшегезгә зур җаваплылык белән караганыгыз, аны җиренә җиткезеп башкарганыгыз, туган ягыбызга тугры калып, шунда яшәп, балалар үстергәнегез, аларга үрнәк булганыгыз өчен рәхмәт сезгә. Бәйрәм уңаеннан һәрберегезгә нык исәнлек, гаилә иминлеге, озын гомер һәм бәхет телим. Сезнең хезмәтегезгә нигезләнеп, районыбыз үссен, матурайсын, гомер итү өчен кызыгырлык төбәк булсын иде".

БАРЛЫК ЯҢАЛЫКЛАРНЫ УКУ