Әлки муниципаль районы

Саклык банкының Базарлы Матак бүлегендә электрон чират эшли

2014 елның 13 ноябре, пәнҗешәмбе

Банкта бик күп төрле түләүләр, бүтән акча операцияләре башкарыла. Билгеле, кассалар янында еш кына зур чиратлар барлыкка килә. Ә хәзер чиратыңны басып көтеп торасы юк. Ә бит озаклап басып тору өлкәннәр, авырулар өчен бигрәк тә авыр иде. Банкта хәзер шәһәрдәге сыман электрон чират кертелде. Халык төрле акча операцияләре залына керүгә нинди түләү (яисә акча алу) башкарасы турында автомат кнопкасына баса. Аннан чыккан чекны алып, урындыкка барып утыра. Чиратың җиткәч тавыш көчәйткеч аша кулыңдагы чек номеры белән кайсы кассага киләсен хәбәр итәләр. Банк хезмәткәрләре әйтүенчә, халык бу яңалыкны ошаткан һәм тиз үзләштергән.

БАРЛЫК ЯҢАЛЫКЛАРНЫ УКУ