Әлки районы авылларында Җиңүнең 70 еллыгына багышланган концертлар бара

Базарлы Матак урта мәктәбе коллективының Балалар иҗат йортында күрсәткән концерты зур уңыш белән узды. Чуаш Борнае авыл җирлеге сәнгать осталары Иске Матакта, Иске Кората үзешчәннәре – Югары Кәчидә, Иске Матак – Иске Тахталада, Кошки талантлары – Борискинода, искекамкалылар – Алпарда, чиябашлылар Югары Әлморзада зур концертлар белән чыгыш ясадылар.

Бу атнада Югары Колчурино җирлеге сәнгать осталары Кошки халкын тамаша белән сөендерергә уйлый (18 февраль). 19 февральдә Нәби Дәүли исемендәге гимназия коллективы – Балалар иҗат йортында, 20 февральдә апаклылар Түбән Кәчидә чыгыш ясаячак.