Әлки муниципаль районы

Базарлы Матакны төзекләндерүне Крайнов урамыннан башларга булганнар

2015 елның 12 марты, пәнҗешәмбе

Шушы көннәрдә район хакимиятендә узган киңәшмәгә Базарлы Матакның үзәк – Крайнов урамында урнашкан оешма-учреждениеләр җитәкчеләре һәм эшмәкәрләр чакырылган иде. Анда үзәк урамдагы биналарның йөзен-фасадын матурлау, ремонтлау хакында сүз барды. Оешмалар, эшмәкәрләр алдына биналарның тирә-юнендә чәчәкләр үстерү өчен бакчалар, клумбалар ясау, утыргычлар урнаштыру, җәяүлеләр өчен тротуарлар булдыру кебек бурычлар куелды. Әлеге эшләрнең һәркайсын район архитекторлары белән килештереп башкару сорала. Шулай ук урамнарга бертөрлерәк, зур үсми торган агачлар утырту тәкъдиме дә яңгырады.

БАРЛЫК ЯҢАЛЫКЛАРНЫ УКУ