Педагогларыбыз спортта – өченче

2015 елның 20 октябре, сишәмбе
Спартакиада Мамадыш районында узды. Мәгариф идарәсе начальнигы Айдар Хәлиуллин җитәкчелегендәге районыбыз командасы 23 кешене берләштерде. Алар арасында төрле фән укытучылары бар иде. Педагоглар эстафетада, озынлыкка сикерүдә, армрестлингта, пневматик винтовкадан атуда, бадминтонда, аркан тартышуда ярыштылар. Ә команда җитәкчеләре йөгерүдә көч сынашты. Безнекеләр ярышларның һәр төрендә әйбәт нәтиҗәләр күрсәттеләр. Ә Юхмачы урта мәктәбенең физкультура укытучысы Фәрхәт Курбанбаев бадминтон бәйгесендә өченче урынны алды. Спартакиадада уңышлы чыгышлары өчен педагогларыбыз командасы спорт җиһазлары алуга 200 мең сумлык сертификат белән бүләкләнде.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International