Әлки районы мәктәпләре яңа уку елына әзерләнә

Яңа уку елында районда 20 урта һәм гомум бирү мәктәбе эшләячәк. Иске Чаллы һәм Иске Тахатала мәктәпләре урта мәктәптән тугыз еллык итеп үзгәртелә, ә Чиябаш һәм Хлебодаровка мәктәпләре тугыз еллыктан башлангыч мәктәпкә әйләнә. мәгариф идарәсе җитәкчесе вазыйфаларын башкаручы Сүрия Вәлиева әйтүенчә, Нәби Дәүли исемендәге гимназиядә, Чуаш Борнае, Югары Түбән Колчурино мәктәпләрендә ремонт эшләренең куләме шактый зур инде. Башка мәктәпләрдә дә төзекләндерүгә керешкәннәр. Республикада “Үз мәктәбеңә ярдәм ит” дигән акция дәвам итә. Аның кысаларында теләгән һәркем белем алган мәктәбенә булышлык күрсәтә ала. Эшмәкәрләр, учреждение-предприятиеләр җитәкчеләре дә шушы акциягә активрак кушылсын иде.