ЯҢАЛЫКЛАР

15 декабрь көнне Демидово авыл клубында өстәл теннисы буенча турнир үткәрелде. Бу уеннарда нигездә егетләр ярышты. Соңыннан җиңүчеләргә истәлекле бүләкләр һәм грамоталар тапшырылды.

Билгеле булганча, Яңа ел алдыннан күчемсез милек базарында активлыкның пигы күзәтелә: күп кенә гражданнар дачалар, йортлар һәм аларны төзү өчен җир сатып алалар, җәй белән чагыштырганда күпкә отышлы, шул исәптән территориянең аерым шартлары булган зона чикләрендә урнашкан бәяләр. Күчемсез милек белән килешүләр төзегәндә сакчылык зоналары турында нәрсә белергә кирәк, дип аңлата Татарстан Росреестры.

2018нче елның 15 декабрендә Борискино авыл җирлеге үзешчән сәнгатьтә катнашучыларның "Театр-күңел көзгесе"фестивале кысаларында отчет концерты булды. Үзешчән артистлар репертуарында номерлар  - рус, татар, чуаш телләрендә. Любовь Королева, Алинә Садиванкина, Илшат Гатауллин, Энҗе Гобәйдуллинаның биюләре тамашачыларга бик ошады. Конкурс жюрие Ангелина Самаркина башкарган шигырьләргә югары бәя бирде. Тамашачылар хөкеменә борискинолылар "Яшәгән ди әби белән бабай” спектаклен күрсәтте. Үзешчән артистлар сәхнә образларына бик оста итеп гәүдәләндерде. Аудитория алкышларга күмелде. Җавап сүзе белән җирлек башлыгы Самарина Г. В. һәм Башкарма комитет җитәкчесенең социаль мәсьәләләр буенча урынбасары вазифаларын башкаручы Мардегалләмова Л. К. чыгыш ясадылар.

2018нче елны  15 декабрендә  Базарлы Матак авылында чаңгы базасында чаңгы сезонын ачу тантанасы узды. Район Башкарма комитеты җитәкчесе Илнур Йосыпов катнашучыларны сезон ачылышы белән котлады.

Әлки җирле бүлегенең «Яшь Гвардия» активистлары Конституция көне уңаеннан, Базарлы Матак авылы урамнары буенча  район халкын котлап,  Россия флагы триколоры-тасмалар тараттылар.

2018 елның 12 декабре - Россия Федерациясе Конституциясенең 25 еллыгы. Шул уңайдан Базарлы Матак урта мәктәбенең 6 һәм 7 классларында Россия Федерациясе Конституциясе көненә багышланган, Әлки районы прокуроры урынбасары, юстиция киңәшчесе Хәйруллина Луиза Хәлим кызы катнашында сыйныф сәгате үткәрелде

15 декабрь көнне Алинә УСЗда Айдар Игъламов истәлегенә районның ир-атлар командалары арасында волейбол буенча турнир узды. Турнирда 6 команда катнашты. Беренче урынны  - Айдар командасы, икенче урынны -  Алпар, өченче урынны Спартак командасы алды. Иң яхшы уенчы булып Нигъмәтҗанов Динар (Айдар командасы), иң яхшы һөҗүмче Гайфуллин Раил (Алпар командасы), иң яхшы сакчы Җәләлетдинов Ринас (Спартак командасы) танылды

Базарлы Матак урта мәктәбендә Яңа Ел кәефе хөкем сөрә. Укучылар ата-аналар, укытучылар белән бергә зур чыршы уенчыклары, мәктәп янында һәм Үзәк паркта кардан ясалган фигуралар шәһәрчеге ясадылар.

13 декабрь көнне Чуаш Борнае урта мәктәбендә «Казан кооператив институты " вәкиле булып китте. Балалар әлеге учреждениегә, факультетларга керү мөмкинлеге, уку вакыты һәм бәясе турында белделәр. Һәркем институның  контакттагы төркеменә теркәлергә мөмкин, Институтта үткәрелә торган чараларда катнашырга һәм институтның потенциаль студенты исемлегенә керергә мөмкин.

13 декабрь көнне Чуаш Шәпкәсе авыл мәдәният йорты хезмәткәрләре балалар өчен "Күңелле стартлар" үткәрделәр. Алар үзара тизлектә һәм җитезлектә ярыштылар. Теләсә кайсы ярышта отучылар һәм оттыручылар да бар. Ә биредә  дуслык җиңде!