ЯҢАЛЫКЛАР
10
ноябрь, 2014 ел
дүшәмбе
2 ноябрьдә Түбән Камада булган киокусинкай-каратэ ярышларында безнең егетләр уңышлы чыгыш ясады.
4 ноябрьдә Балалар иҗат йорты базасында бадминтон ярышлары булды.
Бәйге Халык бердәмлеге көненә багышлап уздырылды. Юхмачы мәктәбе командасы бәйгедә ышанычлы җиңү яулады. Икенче урында – Базарлы Матак, өченче урында Чиябаш мәктәпләре командалары.
Путалы көрәш буенча ДЮСШ беренчелегенә үткәрелгән ярышларда районның сигез мәктәбеннән 86 укучы катнашты.
Базарлы Матак мәктәбе командасы беренче урынга чыкты. Түбәнәлкилеләр – икенче, Иске Тахтала мәктәбе укучылары өченче урынны яулады.
"Алинә" универсаль спорт залында егетләр арасында баскетбол буенча сайлап алу ярышлары булды.
Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт хәбәр иткәнчә, Украина республикасында "Кроно-Украина" ҖЧҖ җитештергән агач-йомычка плитәләрдә кеше организмы өчен бик зарарлы булган формальдегид кулланылган. Әлеге матдә куркынычлылыгы буенча II класска кертелә, күзәнәкләр өчен агу һәм канцероген булып тора, кешенең репродуктив органнарына, сулыш юлларына, күзләргә, тән тиресенә һәм үзәк нерв системасына бик зур зыян китерә.
Район басуларында кукуруз һәм көнбагыш урагы вакытлыча тукталып тора.
Һәр мөселманга йөкләнгән биш фарыз гамәленең берсе – Пәйгәмбәребез исеме белән бәйле Изге Мәккә-Мәдинәгә хаҗ кылу. Бу турыда күпләр хыяллана, әмма бөтен кеше дә булдыра алмый шул. Базарлы Матактагы Мидхәт мәчете имамы Ришат ага Гайсин да ерак илгә сәфәр турында күптән уйлана. Ләкин ниятен бары быел гына тормышка ашыра ул.
Һөнәри бәйрәмнәре алдыннан районыбыз полиция хезмәткәрләре зур бүләк алдылар. 6 ноябрьдә район эчке эшләр бүлегенең яңа бинасы ачылды. Хәер, аны бина дип кенә атау артык тыйнак әйтү булыр иде. Район эчке эшләр бүлеге хәзер 3 мең квадрат метрдан артык мәйданны биләп тора. Шуның 1400 квадрат метрында төрле корпуслар урнашкан. Яңа объектны төзү федераль казнага 90 миллион сумга төште.
5
ноябрь, 2014 ел
чәршәмбе
Октябрь башына районда чшәүчеләр саны гыйнвар белән чагыштырганда 299 кешегә артып, 19969 га җитте.
Төрле программаларда каралган дәүләт ярдәменә һәм үз көчләренә таянып, әлкилеләр быел 52 шәхси йорт төзеп керделәр.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз