Әлки районында соңгы ункөнлектә 167 тоннадан артык сөт хәзерләнгән

Соңгы ун көндә шәхси хуҗалыклардан 167443 килограмм сөт хәзерләнде. Бу күрсәткеч узган елның шушы чорындагыдан 3,2 тоннага кимрәк, әмма декабрьнең икенче декадасында җыелганнан 2,2 тоннага күбрәк. Шәхси хуҗалыкларда асралучы һәр сыердан уртача 7 килограмм сөт хәзерләнде.

Әлегә савым сыерларының билгеле бер өлеше ташлаткан, кайсы бозаулаган гына, шуңа күрә хәзерләнгән сөтне күп дип әйтеп булмый. Шулай да авыл җирлекләрендә шәхси сектордан сөт җыюга игътибарны арттыра төшеп, яңа елга әйбәт күрсәткечләр белән керергә кирәк, диләр район авыл хуҗалыгы һәм азык-төлек идарәсе белгечләре.