2024 елның 14-15 мартында "Олимпиец" спорт комплексында спорт мәктәпләре укучылары арасында Татарстан Республикасының "ШВЛ-ПРО" мәктәп волейбол лигасы чемпионатының икенче туры узды.

2024 елның 15 марты, җомга

Нәби Дәүли исемендәге Базарлы Матак гимназиясе командасы киеренке көрәшләрдә спорт әзерлеге һәм осталыгы югары дәрәҗәдә булуын күрсәтте. Балалар Чаллы һәм Аксубай районы командаларын 3:0 исәбе белән җиңеп чыктылар һәм каты көрәштә Баулы районы җыелма командасына оттырдылар.

Безнең җыелма команда турнирның финалына үтте, ул 2-4 майда Казанда узачак. Команданы котлыйбыз һәм алга таба уңышлар һәм җиңүләр телибез. Команданың тренерлары: Астафьев О. С. һәм Ирдинкин Д. А.