Әлки районы бадминтончылары «Пробы пера»дан җиңү белән кайттылар

2020 елның 3 марты, сишәмбе

Безнең районның яшь бадминтончылары «Проба пера» бадминтон буенча республика ярышларында 3 нче урынны яуладылар.

Ул Казан шәһәренең бадминтон үзәгендә узды. Ярышларда Татарстанның 11 районыннан 13 команда катнашты.

Базарлы Матактан тренер Максим Муштаков җитәкчелегендәге 2 команда “Проба пера”га киттеләр, ике команда да үз яшь төркемнәрендә 3 урынга лаек булдылар. Аларны Татарстан Республикасы Спорт министрлыгы кубогы һәм дипломы белән бүләкләделәр.

Балаларны котлыйбыз һәм киләчәктә уңышлар телибез