Әлки районында чәчү темпы югары

2020 елның 12 мае, сишәмбе

Хәзер игенчеләребез арпа, көнбагыш, бөртек өчен кукуруз, сабан бодае, берьеллык үлән чәчү белән мәшгульләр. Көннәр аяз торса, бу культураларны чәчүне атна ахырына төгәлләргә дә мөмкиннәр. Ә “Хузангай” җәмгыяте сабан культураларын бүген-иртәгә чәчеп бетерәчәк.

Бер үк вакытта чәчү мәйданнарын чүп үләннәргә, корткычларга, төрле чирләргә каршы эшкәртү бара. Әйтик, чүп үләннәргә каршы 8400 гектарда бу эш башкарылган инде.