АВЫЛГА ҖӘЙГЕ ЭШКӘ – 2020: Татарстан фермерлары шәһәр кешеләренә авылда сезонлы эшләр тәкъдим итәләр
Пандемиягә бәйле рәвештә җитештерүнең кайбер тармакларында һәм хезмәтләр күрсәтү өлкәсендә икътисадый активлык кимү аркасында шәһәр халкының шактые эшсез калырга мөмкин. Шәһәр халкын сезонлы эшләр белән тәэмин итү мөмкинлеген исәпкә алып, эш бирүчеләр белән хезмәт мөнәсәбәтләрен оештыру максатында, Татарстан Республикасы Авыл хуҗалыгы һәм азык-төлек министрлыгы тарафыннан “АВЫЛГА ҖӘЙГЕ ЭШКӘ – 2020” чакыру игълан ителде.
Дәгъва кылучылар тарафыннан заявкалар бирү өчен сылтама буенча узарга һәм башлангыч форманы тутырырга кирәк. “Татарстан Республикасында кооперацияне үстерү буенча компетенцияләр үзәге” ДБУ хезмәткәрләре һәр мөрәҗәгатьне аерым карыйлар һәм тиешле вакансияне сайларга булышалар.
Бүгенгә 200дән артык оешмадан төрле яшәү, туклану һәм эшкә йөрү шартлары белән 400ләп вакансия бар. Авыл хуҗалыгы җитештерүчеләре 1 айдан 6 айга кадәр срокка эшкә аларга әзерләр. Кирәк белгечләр арасында агрономнар һәм тракторчылар гына түгел, ә пешекчеләр, эретеп ябыштыручылар, икътисадчылар, слесарьлар, инженерлар, төзүчеләр, төрле эштә эшләүчеләр, көтүчеләр, эшчеләргә ярдәм итүчеләр һ.б.лар бар.
Мәсәлән, май ахырыннан башлап, Зеленодольск һәм Әлмәт районнарында “Җиләкле алан” хуҗалыгында җиләк җыярга һәм үсемлекләрне карау эшәрен башкарырга мөмкин, аларда яшәү өчен түләүсез тулай торактан урын бирәләр, сезонлык хезмәт хакы айга 40 мең сум чамасы. Барысы 110 кеше кирәк. Нурлат районында да яхшы хезмәт хакы белән терлекчелек фермасында эш тәкъдим итәләр, шулай ук яшәү өчен трак урыны бирелә, хезмәткәр өчен предприятиенең үз кунакханәсе бар. Махсус белем һәм күнекмәләр таләп ителми торган вкансияләр, шулай ук студентлар өчен дә, барлык районнарда диярлек бар.
Мәсәлән, Казан рестораннарының берсе үз белгечләрен карантин вакытына Татарстанның Биектау районындагы фермер комплексына урнаштырды.
Вакансияләр:
Әлмәт районы
Арча районы
Әтнә районы
Балтач районы
Буа районы
Биектау районы
Алабуга районы
Зәй районы
Яшел Үзән районы
Кайбыч районы
Кама Тамагы районы
Лаиш районы
Лениногорск районы
Норлат районы
Питрәч районы
Балык Бистәсе районы
Саба районы
Тәтеш районы
Тукай районы
Теләче районы
Чирмешән районы
Чистай районы
Ютазы районы
Эзләүчеләр:
Механизаторлар, машинистлар, машина йөртүчеләр
Игенчелек буенча белгечләр
Терлекчелек буенча белгечләр
Пешекчеләр, ИТР
Слесарьлар, токарьлар
Ярдәмче хезмәткәрләр
Универсаль хезмәткәрләр