Һәр районның үз мөмкинлекләре бар, ләкин бүгенге катлаулы шартларда киләчәк уңышка нигез салучы хезмәт кешеләренә игътибар бөтен җирдә дә бер үк мөһим

Эшләрне оештыру һәм хезмәткәрләрне мотивацияләү чәчү темпларына җитди йогынты ясый. Бу хакта бүген ТР Хөкүмәте Йортында узган киңәшмәдә ТР Премьер-министры урынбасары – ТР авыл хуҗалыгы һәм азык-төлек министры Марат Җаббаров хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

Быел районнарда билгеле бер көн яки атна буенча нәтиҗәләр ясыйлар. Муниципаль район башлыклары премияләр һәм Рәхмәт хатлары тапшыралар.

Марат Җәббаров Теләче районын мисал итеп китерде, анда һәр 3 эш көне нәтиҗәләре буенча нәтиҗәләр ясала, 53 механизатор акчалата премияләр алды инде, 1 урын өчен – 3000 сум, 2 урын өчен – 2000, 3 урын өчен – 1000 сум. Шулай ук тырмалауда һәм минераль ашламалар кертүдә катнашучылар да игътибардан читтә калмады.

Норма-сменаларның үтәлеше буенча Азнакай районында бүләклиләр. Чәчү кампаниясе вакытында 160 мең сумлык 180 сертификат тапшыру планлаштырылган.

Атна саен Алексеевск, Апас, Арча, Яшел Үзән, Кукмара, Яңа Чишмә, Балык Бистәсе, Сарман, Тукай районнары механизаторларына премияләр тапшырыла.

"14 майда Алексеевск районына эш сәфәре барышында мин шәхсән үзем чәчү алдынгыларына бүләкләр тапшыруда катнаштым: атна йомгаклары буенча иң яхшы механизаторлар 6 акчалата сертификат алды (1 урын өчен – 2000 сум, 2 урын өчен – 1500, 3 урын өчен – 1000 сум)», - дип билгеләп үтте Татарстан Республикасы Авыл хуҗалыгы һәм азык-төлек министрлыгы башлыгы.

Министр билгеләп үткәнчә, күп кенә районнарда бүләкләү чәчү нәтиҗәләре буенча планлаштырылган. Зәй районында " чәчү батыры» иң яхшы тәртип хуҗалыгы өчен автомобиль (Лада Гранта) алачак дип планлаштырыла

100 мең сум, әлеге сумма нәкъ менә предприятие хезмәткәрләре арасында бүленәчәк (12 мең сум – җитәкчегә, 8 мең сум-инженерга һәм 5 мең 12 механизаторга). 2 нче урын алган хуҗалык – 75 мең сум, ә өченче урын өчен – 55 мең сум. Моннан тыш, премияне иң яхшы КФХ – 8 мең сум һәм 90 алдынгы механизатор алачак (4 - 3,5 мең сум). Бу максатларга район барлыгы 1,6 млн. сум акча салды.

«Мондый төрдәге бүләкләү ел саен үткәрелә, ел саен арта бара, бүләкләр суммасы да арта. Нәтиҗәдә Зәй районы язгы кыр эшләрен уздыру һәм уңышлылык темплары буенча алда бара. Нәтиҗәләр үзегез ясый аласыз",-дип нәтиҗә ясады вице-премьер.

Марат Җәббаров, һичшиксез, һәр районның үз мөмкинлекләре бар, ләкин бүгенге катлаулы шартларда киләчәк уңышка нигез салучы хезмәт кешеләренә игътибар бөтен җирдә дә бертигез дәрәҗәдә мөһим, дип билгеләп үтте.

Татарстан Республикасы Авыл хуҗалыгы һәм азык-төлек министрлыгы матбугат хезмәте