Олег Морозов һәм Марсель Сираҗиев “Бердәм Россия” ситуацион үзәге эше белән таныштылар
Ситуацион үзәк эшләү дәверендә белгечләр меңнән артык сорау-җавап эшкәрттеләр.
Февраль аенда фаҗигале төстә һәлак булган Айрат Хәйруллин урынына парламент мандатына дәгъва кылучы кандидатлар, РФ Федерация Советы әгъзасы Олег Морозов һәм Татарстанның Яшьләр палатасы әгъзасы Марсель Сираҗиев «Бердәм Россия»партиясенең Татарстан башкарма комитетында башланган ситуацион үзәкнең эше белән таныштылар.
Ике кандидат та Дәүләт Думасына өстәмә сайлауларда праймеризда катнашырга ниятләвен аңлатты.
"Тәҗрибә күрсәткәнчә, мин, мөгаен, республикага нәкъ менә минем сәяси аякка басуым узган палатада, мин сәясәтче буларак үскән палатада файдалы булыр идем. Һәм аның эш механизмы миңа бик яхшы билгеле. Мин түбән палатаны югары палатага каршы куярга теләмәс идем, чөнки аларның һәркайсының үз функциясе бар. Әмма закон барлыкка килү стадиясендә, «нульле» укулар уза, аннары бу карарлар тормышка ашсын өчен, бу төймәгә якынрак булу мөһимрәк», - дип билгеләп үтте Морозов.
Марсель Сираҗиев мондый дәрәҗәдәге сайлауларда катнашу аның өчен яңа тәҗрибә булуын әйтте. Ул билгеләп үткәнчә, онлайн-режимда тавыш бирү күбрәк яшьләрне сайлауларда катнашуга җәлеп итә ала.
Олег Морозов онлайн-тавыш бирүнең тискәре яклары бар, дип саный.
«Мин сайлаучылар белән эшләргә күнеккән. Хәзер бу мөмкин түгел, әмма көзгә һәм бердәм тавыш бирү көненә сайлаучылар белән онлайн-платформасыз очрашу мөмкинлеге барлыкка килер дип өметләнәм. Мин барлык процедураларның да онлайн-форматка китүен теләмим", - диде сенатор.
Үзәк эше белән танышу барышында кандидатлар алдан тавыш бирү сайты эше һәм махсус төзелгән платформа турында сораулар бирделәр. Шулай ук ситуацион үзәк операторларына иң популяр мөрәҗәгатьләр турында да сораулар булды.
Ситуацион үзәк вәкилләре сөйләвенчә, сорауларның күбесе тавыш бирү процедурасына һәм платформа эше буенча техник мәсьәләләргә кагыла.
Татарстанда муниципаль сайлауларга кандидатларны билгеләү, шулай ук Дәүләт Думасына һәм Дәүләт Советына өстәмә сайлаулар буенча праймериз дәвам итә.
Пандемия аркасында алдан тавыш бирү онлайн-режимда махсус оештырылган платформада үткәрелә. Түбән Кама федераль округы сайлаучылары Дәүләт Думасына депутатлыкка кандидатлар өчен федераль pg.er.ru сайтында тавыш бирә алалар.
Алдан тавыш бирү көннәрендә «Бердәм Россия» нең Татарстан төбәк бүлегендә ситуацион үзәк булдырылды. Үзәкнең «кайнар линия»сенә Татарстанда тавыш бирү барышы турында мәгълүмат килә. Үзәк көн саен 8.00 дән 20.00 гә кадәр эшли.