Татарстан Республикасында кызлар өчен «Хатын-кызлар эшкуарлыгы» программасы старт ала

2023 елның 12 октябре, пәнҗешәмбе

Октябрьдә Татарстанда яшәүче хатын-кызлар илнең иң көчле бизнес-практикларыннан белем ала. Татарстан Республикасы Икътисад министрлыгы һәм «Минем бизнес» үзәге «Кече һәм урта эшкуарлык» милли проекты кысаларында «Хатын-кызлар эшкуарлыгы» түләүсез белем бирү программасын башлап җибәрә.

Программа Казан шәһәрендә 17 октябрьдә һәм 20 октябрьдә Чаллыда старт ала һәм онлайн һәм офлайн-форматларда 1,5 айга интенсив дәресләргә исәпләнгән.  

Спикерлар һәм остазлар катнашучыларны бизнес-проектларны алга җибәрүнең актуаль инструментлары белән таныштырачак, үз эшен ничек ачарга яки гамәлдәге бизнесны масштаблаштыру турында сөйләячәкләр.