Әлки районыннан махсус хәрби операциядә катнашучы әлкилеләр, башка татарстанлылар өчен гуманитар йөкнең чираттагы партиясе белән автомашиналар юлга чыкты.
Россия иминлеген саклаучы якташларына бу юлы да күп санда җылы эчке кием, буржуйка, эчә торган су, генераторлар, утын, әлкилеләр куллары белән маскировка челтәрләре һәм башка көнкүреш әйберләре җибәргәннәр. Безнең сугышчыларга шулай ук күп дарулар, медицина препаратлары китерәчәкләр.
Колонна җитәкчесе Рөстәм Шәйхетдинов йөкне озатып йөрүче сүзләренчә, медицина эшләнмәләрен Казан медицина университеты әзерләгән. Ә төнге күзаллау приборлары - җылылык визорлары, йөзләгән җылы кием комплектлары кебек кыйммәтле җиһазлар сатып алуда Татарстан Республикасы Министрлар Кабинеты каршындагы хәрби хәрәкәтләр ветераннарының иҗтимагый оешмалары җитәкчеләре ярдәм итте.
Районның хезмәт коллективлары бу юлы фронтка бик күп буржуй-мичләр, маскировка челтәрләре җибәрделәр. Безнең балаларга, җылы сәлам кебек, шулай ук өчпочмак, чәкчәк, күмәч кебек камыр ризыкларын да алып киттеләр. Ә Әлки урман хуҗалыгы сугышчыларга коры утын җибәрде.