2024 ел йомгаклары буенча районның алкоголь базарындагы вәзгыять

2024 елның гыйнвар-декабрь айларында барлыгы 19,8 мең дал алкоголь продукциясе сатылган. 2023 елның шул ук чоры белән чагыштырганда сату 3% ка кимегән. Читтән кертелә торган алкоголь продукциясе буенча сату 4% ка кимегән, читтән кертелә торган аракы буенча – 2023 елның шул ук чорына карата 30% ка кимегән. Республикада җитештерелгән алкоголь продукциясен сату 2% ка, аракы буенча сату 3% ка кимеде. 2024 елда җан башына алкоголь продукциясен сату күләме 11,0 литр тәшкил итте, бу 2023 ел дәрәҗәсенә карата 98% тәшкил итә. 2024 елның 12 ае эчендә территориаль орган белгечләре Эчке эшләр бүлеге хезмәткәрләре белән берлектә алкоголь һәм спиртлы продукциянең законсыз әйләнешен ачыклау буенча тикшерү чаралары барышында алкоголь продукциясен билгеләнгән үрнәктәге маркалардан башка ташуны ачыклады. Легаль булмаган әйләнештән 73,7 л алкоголь һәм спиртлы продукция алынган. РФ Хөкүмәтенең "Дәүләт контролен (күзәтчелеген), муниципаль контрольне оештыру һәм гамәлгә ашыру үзенчәлекләре турында" 2022 елның 10 мартындагы 336 номерлы карары нигезендә түбәндәге профилактик чаралар үткәрелде: хуҗалык итүче субъект өчен 1 профилактик визит, 8 консультация, мәҗбүри таләпләрне бозуга юл куймау турында 19 кисәтү игълан ителде. Татарстан Республикасы Дәүләт алкоголь инспекциясенең Чистай территориаль органы