ЯҢАЛЫКЛАР
20
гыйнвар, 2015 ел
сишәмбе
Якшәмбедә "Яшь имәннәр" сәламәтләндерү лагере янында үткәрелгән чаңгы ярышларында район мәктәпләреннән 110 га якын укучы катнашты.
Бу атнада районда авыл җирлекләре советларының киңәйтелгән утырышлары башланды. Анда район җитәкчеләре, халыкка хезмәт күрсәтү оешмалары вәкилләре дә катнаша. Әлеге җыеннар шул җирлектә яшәүчеләрнең хезмәт һәм яшәү шартларын белешү, проблемаларны уртага салып хәл итү максатында оештырыла.
Район үзәк хастаханәсенең бәби тудыру бүлегендә ел башыннан бирле ике бәби дөньяга килгән.
Үткән атнада биредә бер үк көнне бер малай һәм бер кыз туган.
Бу ел башыннан ЮХИДИ тармагында да дәүләт пошлиналары күләме артты
ЮХИДИ бүлекчәсе хезмәткәрләре белән чираттагы рейдка чыккач, узган ел йомгаклары турында да сөйләшеп киттек.
–Хәрәкәт иминлеген тәэмин итү буенча даими эш алып барсак та, район юлларында хәлләр бер дә яхшырмый шул,–дип борчуын белдерде районның баш автоинспекторы Рәис Сафин.
19
гыйнвар, 2015 ел
дүшәмбе
Бердәм дәүләт имтиханнары буенча сораулары булса, чыгарылыш сыйныфлары укучылары, аларның әти-әниләре, укытучылар “кайнар линия” телефонына шылтыратып белешә алалар.
“Росгосстрах Банк” ҖЧҖнең Базарлы Матак агентлыгы җитәкчесе итеп Фәрит Әсхәт улы Ибәтов билгеләнде.
Ул моңа кадәр “Россельхозбанк” системасында эшләгән.
Гомер-гомергә янәшәбездә яшәгән, кешегә файда китергән эшчән ат елы да узып китте. Ат кебек эшләсәң генә уңышка ирешеп була, дип елны башлап җибәргән идек, инде Кәҗә (Сарык) елына да аяк бастык.
Безнең күршедә, машиналар да йөрми, кешеләр дә аз уза торган кечкенә тыкрыкта, ялгыз бер әби яши иде. Гомеренең соңгы көннәренә кадәр ул Рябинка исемле аклы-кызыллы төстәге сыер асрады. Бик тә ярата иде сөтбикәсен әбекәй.
19 гыйнварда православныйлар иң күренекле бәйрәмнәренең берсе булган Качмануны (Крещение Господне) билгеләп үттеләр. Бәйрәм 18 гыйнвар төнендә үк башланды. Качману быел суыкларсыз килде. Көн яздагыдай җылы, җепшек булды, һава температурасы минус 2 градустан түбән төшмәде.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз