ЯҢАЛЫКЛАР
Роспотребнадзорның Татарстан Республикасы буенча идарәсе җитәкчесе урынбасары Л. Г. Авдонина 2019 елның 18 апрелендә 14.00 сәгатьтән 15.30 сәгатькә кадәр Нурлат районы һәм Нурлат шәһәре, Аксубай, Әлки, Чирмешән районнары гражданнарын видеоконференцэлемтә режимында кабул итәчәк.
Шәхси кабул итү өчен телефоннар буенча язылу (84345) 2-19-71, (843) 238-18-32, (884345) 2 05 38, (884346) 2 10 89 эш көннәрендә 2019 елның 17 апреленә кадәр җирле вакытбелән 9 сәгатьтән 16 сәгатькә кадәр.
Язылырга теләүчеләрне территориаль бүлектә түбәндәге адрес буенча көтәбез: Нурлат шәһәре , Мәктәп урамы,10.
21-22 март көннәрендә Нәби Дәүли исемендәге гимназиянең укыту эшләре буенча директор урынбасары Идиятуллина Г. М., В. Г. Тимирясов исемендәге Казан инновацион университеты базасында оештырылган «Инклюзив мәгарифнең Күчмәле системасы: инклюзив белем бирү системаларын проектлау» дип аталган VIII Халыкара фәнни-гамәли конференция эшендә катнашты.
Начар метеорологик күренешләр: 2019 елның 27 мартында Татарстан Республикасы территориясендә һәм Казан шәһәрендә урыны белән көчле җил, көчәйгәндә 15-18 м/с (Казан шәһәрендә 16 м/с кадәр), буран, бозлавык.
2019 елның 25 мартында район башлыгы урынбасары Рәшит Билалов авыл җирлекләре башлыклары белән актуаль мәсьәләләр буенча атналык киңәшмә үткәрде. Узган атнаның эш нәтиҗәләре турында фикер алыштылар һәм агымдагы эш планын формалаштырдылар.
2019 елның 23 мартында гимназиядә "Нәүрүз" бәйрәме үткәрелде. Нәүрүз-язгы көн белән төн тигезлеге һәм яңа авыл хуҗалыгы елы башлану бәйрәме. Ул иран телле һәм кайбер төрки халыклар, Урта Азия, Фарсы, Казахстан, шулай ук Идел болгарлары (хәзерге татар ата-бабалары) һәм башкортлары арасында киң таралган. Нәүрүз 21 март-язгы көн белән төн тигезләшкән көнне билгеләп үтелә. Нәүрүз фарсы теленнән "Яңа көн” дигәнне аңлата. Бу бәйрәм, әлбәттә, бөтенхалык һәм җир өстендәге иң борынгыларның берсе. 5-6 сыйныф укучылары вокал һәм орхеографик номерлар күрсәттеләр. Театральләштерелгән тамаша барышында тамашачылар бәйрәмнең хуҗабикәсен-Нәүрүзбикәне ничек каршы алуларын күрделәр. Чарада катнашучылар коймак белән сыйланды, хуш исле чәй эчте. Нәүрүз бәйрәме-уен – көлке, биюләр һәм җырлар. Шуңа күрә монда төшенкелеккә бирелмәде, киресенчә тамашачылар бик канәгать калды.
23 март көнне Иске Салман авыл мәдәният йорты үзешчәннәре "Театр-күңел көзгесе" смотр-конкурсы кысаларында Ямбакты авыл мәдәният йортында концерт программасы белән чыгыш ясадылар.
23 март көнне Базарлы Матак авылында Ләйсән йөзү бассейны базасында районның барлык авыл җирлекләре арасында йөзү буенча ярышлар узды.
Бүген Татарстан Республикасында цифрлы эфир телевизион тапшырулар челтәре булдырылды, ул үз эченә 87 алдынгы станцияне ала. Әлеге челтәр республика халкының 99,2% өчен 20 Гомумроссия телеканалын бушлай кабул итү мөмкинлеге белән тәэмин итә.
«РТРС» ФДУП филиалы тарафыннан үткәрелгән тикшерү барышында 157 торак пункт билгеләнде, аларда цифрлы эфир телетапшыруларының сигналын кабул итү булмаячак.
Әлеге торак пунктларның исемлеге белән танышырга мөмкин:
Татарстан Республикасы мәгълүматлаштыру һәм элемтә министрлыгы https://tinyurl.com/yynzwzsp сайтының "Цифрлы телевидение” бүлегендә;
Россия цифрлы үсеш, элемтә һәм массакүләм коммуникацияләр министрлыгы https://digital.gov.ru/uploaded/files/utochnennyij-perechen-np-vne-zonyi.pdf сайтында.
Хөрмәтле районыбызның мәдәният хезмәткәрләре! Сезне чын күңелдән һөнәри бәйрәмегез белән котлыйм! Бу көн туган җиребезне рухи үстерүгә һәм бай мәдәни мирасны популярлаштыруга бәяләп бетергесез өлеш керткән, күпмилләтле мәдәниятнең үткәненә, хәзергесенә һәм киләчәгенә битараф булмаган кешеләрне берләштерә. Сезнең хезмәтегез бәяләп бетергесез, чөнки сезнең тырыш хезмәтегез нәтиҗәсендә безнең район мәдәни үсеш ноктасында. Без сезгә хезмәтегезне тырышлык һәм җаваплылык тоеп башкарганыгыз өчен рәхмәтлебез. Сез чын мәгънәсендә креативлык, талантлылык билгесе булып саналасыз. Сезгә оптимизм, яңа мөмкинлекләр, иң искиткеч иҗади идеяләр, рухи күтәрелеш, күңел күтәренкелеге һәм бәхет телибез!
Якындагы 1-3 сәгатьтә, 2019 елның 25 мартында көн азагына кадәр һәм төнлә Татарстан Республикасының көнбатыш районнарында урыны белән 20 мм һәм аннан да күбрәк кар көтелә.