ЯҢАЛЫКЛАР
23
гыйнвар, 2014 ел
пәнҗешәмбе
Район мәдәният йортында “Ел хатын-кызы. Ел ир-аты – хатын-кыз күзлегеннән” дигән традицион конкурс үткәрелде. Дүрт сәгатькә сузылган сынаулар нәтиҗәсендә жюри һәм тамашачылар 6 номинациядә иң уңган, булдыклы, сәләтле һәм матур, башкаларга үрнәк булырлык хатын-кызларыбызны ачыкладылар.
Быел кыш “Хузангай” кооперативына газ өчен счет-фактуралар бермә-бер кимрәк килә башлады. Хуҗалык производство биналарын көнбагыш кабыгы ягып җылыта торган казанны эшләтүгә күчте. Нәтиҗәдә берничә цех һәм әзер продукция саклау склады – гомуми мәйданы 300 квадрат метрдан арткан бина чүпкә ташланырга тиешле көнбагыш кабыгы ягылган казаннан җылылык ала. Без бу яңалыкны урынга барып өйрәнеп кайттык.
Намуслы хезмәтләре, вазыйфаларын бик яхшы башкарулары һәм гражданнар оборонасы өлкәсендә казанышлары өчен 105 нче янгын частеның бер төркем хезмәткәрләре Россия Гадәттән тыш хәлләр министрлыгының “Маршал Василий Чуйков” истәлекле медале белән бүләкләнде.
21
гыйнвар, 2014 ел
сишәмбе
Әфганстанда һәлак булган сугышчы-интернационалист Ирек Сөләйманов истәлегенә районда волейбол турниры үткәрелә.
Үткән якшәмбедә һәм аңа каршы төндә районның байтак сулыкларында зур җанлылык хөкем сөрде. 19 гыйнварда бит православныйлар христиан календарендагы иң күренекле бәйрәмнәрнең берсе булган Крещениене билгеләп үтте. Бу көнне йөзгә якын кеше бәкеләрдә изгеләндерелгән суда коендылар.
Гыйнвар явым-төшемгә юмарт, көн аралаш диярлек кар ява, буранлый. Нәтиҗәдә авыл урамнарына, юлларга кар ята, көртләр барлыкка килә. Бу җәяүлеләр өчен дә уңайсыз, автомобиле булганнарны әйткән дә юк. Кышның бизәге ап-ак кар шулай итеп кайбер җирләрдә проблемага әйләнде.
Район юлларында ни хәлләр бар? Моны үз күзебез белән күрү өчен без район ЮХИДИ бүлекчәсенең юл-патруль хезмәте белән бергә рейдка чыгарга булдык. Алдан килешенгәнчә, ЮХИДИ бүлекчәсе начальнигы Рәис Сафин һәм юл хәрәкәте иминлеге буенча пропаганда инспекторы Рамил Фәхриев белән аларның эш бинасы янында очраштык.
17
гыйнвар, 2014 ел
җомга
Якшәмбе, 19 гыйнварда, православие христианнары Крещение бәйрәмен билгеләп үтәләр.
16
гыйнвар, 2014 ел
пәнҗешәмбе
Үткән елда район юлларында 21 юл-транспорт һәлакәте булып, аларда 3 кешенең гомере өзелгән, 25 кеше зыян күргән (2012 елда аварияләр саны 23 булган, аларда 6 кеше үлгән, 27 кеше яраланган).
13 гыйнварда Алексеевск-Югары Колок трассасында авария булды.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз