ЯҢАЛЫКЛАР
“Югары Әлморза төп гомуми белем бирү мәктәбе” МБББУендә ел саен апрель аенда билгеләп үтелүче ЮНЕСКОның "Кеше һәм биосфера" программасы кысаларында үткәрелә торган “Халыкара кошлар көне” үткәрелде. Үткәрүнең төп максаты-кешеләрнең игътибарын кошларны саклау проблемаларына җәлеп итү. Укучылар иҗади проектларны яклауга әзерләнделәр, сыерчык оялары ясадылар, кошларга кайсы йортта яшәве уңайрак, кош ояларын ничек дөрес итеп урнаштырырга кирәклеге өчен өйчекләрне ничек дөрес итеп элү серләре турында сөйләделәр, безнең якларда яшәүче кошлар белән таныштылар, кош тавышларын тыңлап, һәм истә калдырдырырга тырыштылар. Сыерчык оялары ясау традициясе тирән мәгънәгә ия: кеше кошларга булышып кына калмый, ә шуның аша табигатькә якынлаша. Шунысы куанычлы, балалар гына түгел, аларның әтиләре дә сыерчык оялары ясау белән кызыксыналар. Мәктәп бакчасына 7 сыерчык оясы эленде.
Игътибар! 29 апрельдән 24 майга кадәр кадастр эшләре базарында эшләүче оешмалар Бөек Ватан сугышында катнашучылар өчен Бөек Ватан сугышында Җиңүнең 74 еллыгына багышланган махсус акция уздыра.
"Эко-яз 2019" республика акциясе кысаларында “Базарлы Матак урта мәктәбе” МБББУнең "1" сыйныфында "Чиста шәһәр үз кулларың белән" темасына экологик дәрес һәм экскурсия үткәрелде.
2 март көнне Әлки районы мәдәният йортында өстәл уеннары: шахмат, шашка һәм домино буенча турнир узды. Өстәл уеннары белән кызыксынучылар катнашкан ярыш дустанә халәттә узды.
2019 елның 1 апреленнән 7 апреленә кадәр «Татарстанның музей язы – 2019 " акциясе уза. Әлеге акция кысаларында, 2019 елның 4 апрелендә, Татарстан Республикасы Әлки муниципаль районының “Лисенков С.М. исемендәге тарихи-туган якны өйрәнү музее " МБКУсе хезмәткәрләре Татарстан Республикасы Әлки муниципаль районының Базарлы Матак авылының "Төремкәй" МБМЯББУсе балалар бакчасында Халыкара туган халыкларның телләре елына багышланган күргәзмә оештырды.
3 апрель көнне Иске Камка авыл мәдәният йортында " Язның матур бер көнендә "дип исемләнгән әдәби кичә үткәрелде. Балалар язучыларның тормыш юлы һәм иҗаты белән таныштылар, мәсәлләр, әкиятләр һәм башка төрле әсәрләр укыдылар.
2018 елда - хайваннар тарафыннан 32 тешләү, селәгәй эләгү,тырнау очрагы булды, бу 100 мең кешегә 167,8 күрсәткечен тәшкил итте, шулардан 1 очрак кыргый хайваннар тешләве, 2017 елның шул ук чорында 28 очрак (100 мең кешегә күрсәткеч 144,0 тәшкил итте ), 2017 елда кыргый хайваннар тешләве теркәлмәде.
Түбән Колчурино авыл клубында "Көлке көне" дип исемләнгән уен программасы үткәрелде. Анда катнашучылар төрле конкурсларда һәм уеннарда: «Табышмаклар-Мәзәкләр», «Һәм без дә», «Серле сәлам» һәм «Көлмәгәнне-көлдер!» катнаштылар.
2019 елның 12 апрелендә хезмәт мәсьәләләре буенча халык өчен «кайнар линия» телефоны эшләячәк, аның кысаларында Татарстан Республикасында Кеше хокуклары буенча вәкаләтле вәкил аппараты хезмәткәрләре, Татарстан Республикасында Дәүләт хезмәт инспекциясе һәм Татарстан Республикасы Һөнәр берлекләре федерациясе хезмәткәрләре гражданнарга хезмәт хокукларын яклау мәсьәләләре буенча консультация бирәчәкләр. "Кайнар линия» эше вакыты: 2019 елның 12 апреленең 09.00-17.00 сәгатьләрендә. "Кайнар линия» телефоны: (843) 236-00-71.
Чуваш Кичүе урта мәктәбенең 6-8 сыйныф укучылары белән туберкулезны профилактикалау буенча әңгәмә үткәрелде. Авыл фельдшеры Вәлиуллина Г. Ф. авыруның үзенчәлекләре һәм саклану ысуллары турында сөйләде. Барыннан да элек, организмны чыныктырырга, гигиена кагыйдәләрен үтәргә һәм даими рәвештә тикшерүне үтәргә кирәк, дип билгеләп үтте.