20 июньдә районга Пенсия фондының Татарстан бүлекчәсе идарәчесе урынбасары Эдуард Вафин киләчәк. Ул пенсия тәэминаты һәм пенсия закончалыгы мәсьәләләре буенча халыкны кабул итәчәк. Алдан язылып кую өчен 21-7-05 телефонына шылтыратырга була.
ЯҢАЛЫКЛАР
10
июнь, 2014 ел
сишәмбе
Район башкарма комитеты җитәкчесенең элекке урынбасары Ришат Хәлиуллинга, “Восток Зернопродукт” ЯАҖ отряд начальнигы булып эшләгән Рафаил Ибәтуллинга һәм якташыбыз, “Татмелиорация” ААҖ траст компаниясе баш бухгалтеры Мансур Нотфуллинга “Әлки муниципаль районының мактаулы гражданы” исеме бирелде.
Төркиягә ялга баргач анда теплицаларның бик күп булуына гаҗәпләнгән идем. Ел әйләнәсе диярлек җәй, җылы климат хөкем сөргән җирдә дә теплицалар кирәк икән ич. Димәк, безнең якта теплицадан башка җәй әйләнәсе авыз тутырып яшелчә, җиләк-җимеш ашарга да юк. Башта 10 июньгә чаклы кырау төшү куркынычы яный. Ике ай үтүгә, янә августта кыраулар булуы ихтимал. Безнең климат зонасында бакчаңда теплицасыз яшелчәдән мул уңыш күрергә юк икән. Бигрәк тә иртә җәйдән, яшелчәне тансык вакытында авыз итим дисәң.
Сабантуйның иркен мәйданында һәркем үзе теләгәнчә күңел ачты, чөнки мөмкинлекләр күп төрле иде. Менә трибуналардан ерак түгел балалар өчен аттракционнар, зур боҗрага киереп тарттырылган батутта кечкенәләр сикерешә (үзебез бала чакта әни күрмәгәндә энем белән караватта сикерүләребез искә төште). Янәшәдә һава тутырып ясалган биек тау. Шуннан шуып рәхәтләнде инде бала-чага!
9
июнь, 2014 ел
дүшәмбе
Үткән атнада район юлларында 93 кагыйдә бозу теркәлде, шуларның берсе – машина белән исерек килеш идарә итү. 3 июльдә булган авариядә 1 кеше зыян күргән. 56 кеше алданрак салынган штрафларын вакытында түләмән өчен кабат җавапка тартылган, аларның унысы – июнь аенда.
Үткән атнада туган бәбиләр хисабына район халкы дүрт кешегә артты.
Мәрдегалләмовлар йортының иң түрендә – нык, матур итеп эшләнгән кое. Чыгырын әйләндереп җибәрәсе дә аста көзгедәй ялтырап яткан салкын суны чылбырдагы чиләк белән чумырып аласы…
–Бер кышны торбаларда су туңды да, җәйгә чыккач шушы коены казып куйдым. Йортта су бетеп киткән чакларда бөтен тирә-күршегә шуннан суыртып алабыз суны. Күбрәк алган саен суы чистара, әйбәтләнә генә бит аның,–ди йорт хуҗасы Замир абый.
Бу өйдә яшәүчеләрнең игелек-мәрхәмәте дә әнә шул төпсез кое кебек – кешегә кызганмыйча, чикләмичә өләшә алар аны.
Армия сафларында хезмәт итү – ир-егетнең мактаулы бурычы. Күпләр солдатка зур теләк белән китәләр, намус белән хезмәт итеп кайталар. Әмма ил алдындагы изге бурычын үтәүдән тайчанучылар да бар. Андыйларны җинаять җаваплылыгы көтә.
Җәйге яллар башлануга Базарлы Матак мәктәбе лагерында ял итүче балалар өчен “Куркынычсыз каникуллар” дигән чара үткәрелде.
14 июньдә Болгар шәһәрендә “Изге Болгар җыены” була.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз