ЯҢАЛЫКЛАР

Демократия принципларына нигезләнгән,  республиканың һәр кешесенә социаль һәм граж-данлык хокукларын гарантияләгән, иминлек һәм теләктәшлекне саклауга,  төрле милләт халык-лары арасындагы үзара ышанычны ныгытуга юнәлтелгән Төп кануныбыз буенча яши башлавыбызга 25 ел тула.

Базарлы Матакта быел биш су скважинасы бораулана.

Күп чыгымнар таләп ителә торган әлеге эшләр “Чиста су” республика программасы нигезендә башкарыла. Скважиналарның икесе инде әзер, берсендә бораулау эшләре бара. Тагын икесе ел ахырына кадәр эшләнеп бетәчәк. Су скважиналары 92-96 метрга кадәр тирәнлектә бораулана.

Базарлы Матакның көнчыгыш өлешендә чаңгы базасы төзелеше тәмамланды.

Хөрмәтле райондашлар!

Алда безне илебез тарихында тирән эз калдырган вакыйгалар белән бәйле бәйрәмнәр көтә. 4 ноябрьдә россиялеләр Халык бердәмлеге көнен билгеләп үтәчәк. Моннан дүрт гасыр элек Россия гражданнарының күмәк көч булып чит ил баскынчакларына каршы көрәшкә күтәрелә һәм Ватаныбызга хуҗа булырга җыенган поляк интервентларын Мәскәүдән бәреп чыгара, шуның белән дәүләтчелегебезне торгызуга ирешә. Шунысын ассызыкларга кирәк: ил өстенә килгән куркыныч 1612 елда Россия халкының төрле катлауларын берләштергән. Җиңү белән тәмамланган ул вакыйгаларны без Халык бердәмлеге көне буларак бәйрәм итәбез.

Якын көннәрдә Татарстан актив циклонлы кар өермәсе тәэсирендә булачак

Соңгы елларда районыбыз авылларында авыл халкы, шуннан чыккан эшмәкәрләр, җитәкчеләр, гади эшчеләр, пенсионерлар һәм җирлек башлыклары ярдәме белән зират тирәләре яңартыла. Бу эш безнең туган авылыбыз Юксылда бигрәк тә үрнәк төстә башкарылды.

Октябрьдә яңа туган балалар хисабына районыбызда халык саны 12 кешегә арткан.

Узган ай дәвамында район ЗАГС бүлегендә 5 никах теркәлгән, ә аерылышучылар булмаган. Кызганыч, 26 райондашыбыз арабыздан киткән. Ә ел башыннан бирле районда 89 бала туган, 78 гаилә төзелгән, 30 пар аерылышкан, 250 кеше мәңгелеккә күчкән.

Түбән Кама шәһәре беренчелегенә киокусинкай каратэ буенча ачык турнирда районыбыз командасы уңышлы чыгыш ясады.

Әлеге бәйгедә Идел буе төбәкләреннән 300 дән артык спортчы катнашты. Яшь каратэчыларыбыз Данил Гыйматдинов, Алмаз һәм Данил Шәйхетдиновлар, Булат Борһанов ярышларда алтын медальләр яуладылар. Әмирхан Хәсәнов, Ислам Шәмәрдәнов, Илназ Зыятдинов, Ринат Сабиров икенче урыннарны алдылар. Ә Егор Васяйчев һәм Камил Вафин бронза медальләргә ия булдылар. Җиңүчеләребезнең барысы да тренер, район благочинные Андрей Зиньков кул астында чыныгу алган егетләр.

Менделеев шәһәрендә билбау көрәше буенча Ибраһим Галимов истәлегенә үткән ачык турнирда районыбыз командасы да чыгыш ясады.

Вакыт узу белән күп нәрсәләр онытыла, тарих тузаны белән каплана. Әмма һич тә хәтердән чыгарырга ярамаган, әледән-әле искә төшеп, сискәндереп торырга тиешле вакыйгалар бар. Илебез тарихында канлы эз калдырган сәяси репрессияләр – әнә шундый фаҗигале сәхифәләрнең берсе. Нахакка гаепләнеп атып үтерелгән, лагерь һәм төрмәләрдәге котчыкмалы “яшәү” шартларыннан һәлак булган, язмышлары җимерелгән миллионлаган ватандашларыбыз... Ә бит репрессия тәгәрмәче астында калучылар нигездә илнең иң булдыклы, иң акыллы һәм талантлы ул-кызлары була. Тулы булмаган мәгълүматларга караганда, безнең Әлки районыннан гына да 600 гә якын кеше репрессия корбаны булган.