Муниципаль районнар Әлки муниципаль районы

ЯҢАЛЫКЛАР

октябрь, 2014 ел

пәнҗешәмбе

Район мәдәният йорты республика конкурсында катнашып грант отты

Район мәдәният йорты “Лукойл”ның “РИТЕК” хәйрия фонды үткәргән социаль һәм мәдәният хезмәткәрләре республика конкурсында катнашып грант отты.

300 мең сум грант акчасын сәхнә костюмнары тектерүгә һәм сатып алуга тотарга ниятлиләр.

Карамалыда Корбан гаетен быел да бергәләп бәйрәм иттеләр

Изге һәм мөкатдәс ай – корбан ае бара. Районыбыз авылларында корбан ашлары уза. Ялгыз өлкәннәргә, авыру-сырхауларга, мохтаҗларга сәдака һәм күчтәнәчләр, корбан ите таратыла. Аларны мул табыннарга чакырып кунак итәләр. Корбан ае кешеләрне берләштерә, изге гамәлләргә, игелек һәм мәрхәмәткә өнди.

октябрь, 2014 ел

чәршәмбе

Иске Чаллы авыл җирлегендә күбрәк сыер асрауга өстенлек бирәләр

Бөтен тәвәккәллеген, булганлыгын эшкә җигеп, шәхси хуҗалыкларында күп итеп мал-туар асраучылар шактый районда. Бүгенге вәзгыять әнә шундый тырышларга йөз тота да. Районда шәхси хуҗалыкларда 6289 баш мөгезле эре терлек, 1872 дуңгыз, 9140 сарык-кәҗә асрала. Иске Чаллы авыл җирлегендә күбрәк сыер асрауга өстенлек бирәләр.

11 октябрьдә район үзәгендә Өлкәннәр ункөнлеге уңаеннан көзге ярминкә үткәрелә

Ярминкәдә ит, сөт, тавык һәм үрдәк түшкәләре, бөртек, фураж, печән, салам, бәрәңге, яшелчә, җиләк-җимеш һәм башка көз нигъмәтләре сатуга чыгарылачак. Шәхси эшмәкәрләр, җәмәгать туклануы предприятиеләре дә үз продукцияләре белән катнашыр. Ярминкәгә чакырабыз сезне, дуслар! Көзге уңыштан запасланып калыгыз. Ярминкә сәгать 9 да башлана.

Түбән Әлки урта мәктәбе командасы “Хәвефсезлек мәктәбе” республика бәйгесендә районыбыз данын яклап чыгыш ясады

Түбән Әлки урта мәктәбе командасы “Хәвефсезлек мәктәбе” республика бәйгесендә районыбыз данын яклап чыгыш ясады.

Казан шәһәренең Дәрвишләр бистәсендә әлкилеләр ярдәме белән ярминкә оештырылды

Узган якшәмбедә Казан шәһәренең Дәрвишләр бистәсендә әлкилеләр ярдәме белән оештырылган көзге ярминкә алдагыларыннан күпкә җанлырак узды.

11 октябрь республикада Бердәм урман утырту көне дип игълан ителде

Эшлекле дүшәмбе киңәшмәсендә районыбызда урман утырту көнен үткәрү буенча планнар билгеләнде. Район урман хуҗалыгы баш инженеры белдерүенчә, агач үсентеләре әзерләнгән, алар хезмәт коллективларына бушлай таратылачак.

Җыр-бию белән өлкәннәрнең күңелен күтәрүне мәдәният йорты хезмәткәрләре үз өсләренә алдылар

Россия Пенсионерлар союзының район оешмасының, сугыш һәм хезмәт ветераннары советы һәм район инвалидлар җәмгыятенең иң актив әгъзалары Өлкәннәр көнен Балалар иҗаты йортына җыелып, зур һәм бердәм коллектив булып, бик күңелле бәйрәм иттеләр. Алар өчен бу кичәне "Кайгырту" социаль хезмәт күрсәтү үзәге Базарлы Матак мәктәбе һәм Балалар иҗаты йорты хезмәткәрләре ярдәменә таянып оештырды. Җыр-бию белән өлкәннәрнең күңелен күтәрүне мәдәният йорты хезмәткәрләре үз өсләренә алдылар.

октябрь, 2014 ел

сишәмбе

Үткән атна дәвамында район юлларында ике авария булган

Аларның берсендә хатын-кыз пассажир зыян күргән. Икенче очракта бодай урлаган машина йөртүче идарәне югалткан һәм кырда автомобиле белән баганага барып бәрелгән.

Транспорт чарасы белән исерек килеш идарә иткән өч кеше административ җаваплылыкка тартылган.

Узган атнада районда биш урлау факты теркәлгән

“Уңыш” оператив-профилактика чаралары кысаларында район эчке эшләр бүлеге хезмәткәрләре Базарлы Матактагы элеватордан бодай урлауның 3 очрагын ачыклаганнар. Каракларга карата җинаять эше кузгатылган.

Чуаш Кичүе авылындагы ферма территориясеннән тимер торбалар урлау факты буенча да җинаять эше кузгатылга, угрылырны эзлиләр. Базарлы Матактагы өй яныннан исә “Орион” велосипедын чәлдереп киткәннәр.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ