ЯҢАЛЫКЛАР
6
апрель, 2015 ел
дүшәмбе
Күзләрне тиздән үзебездә тикшертә алачакбыз
Бөек Ватан сугышында Җиңүнең 70 еллыгын каршылап, районда күпкырлы әзерлек эшләре алып барыла. Шулар турында сөйләшеп, әлкилеләргә җиткерү, райондашларның бәйрәмне тагын да тантаналырак итүгә кагылышлы тәкъдимнәрен ишетү һәм туплау максаты белән "Әлки хәбәрләре" редакциясе түгәрәк өстәл артында эшлекле әңгәмә үткәрергә булды.
3
апрель, 2015 ел
җомга
Карга авылында Бөек Ватан сугышында илебез азатлыгы өчен көрәшкән якташлар истәлегенә куелган обелискны капиталь ремонтлау эшләре төгәлләнде.
Бүгенге буын балалары сугышның нәрсә икәнлеген күз алдына да китермиләр. Белмәсеннәр дә, беркайчан сугыш афәтен күрмәсеннәр дә иде. Әмма яшьләребез илебезнең героик тарихын, бабаларының һәм әбиләренең фронтта һәм тылда Ватаныбыз азатлыгы хакына, Җиңү көнен якынайту өчен фидакарьләрчә көрәшүләрен белеп торырга тиешләр. Бу турыда балаларга җиткерү – безнең бурычыбыз. Әнә шул максатта без үзебезнең авыл мәктәбендә "Халык хәтере – мәңгелек" дигән зур кичә үткәрдек.
Без икебез дә сугыш чоры балалары. Әтиләребез фронтта һәлак булып, безне әниләр генә үстергән. Ятим балачак ачысын тулысы белән кичерергә туры килде. Язмыш кавыштырып, бергә гомер кичерәбез, инде сигезенче дистәне ваклыйбыз. Әниләребезне карап, соңгы юлга озаттык. Җитәкчеләребезгә шундый сорауларыбыз бар иде. Беребезнең әтисенең һәлак булган һәм җирләнгән урыны билгеле. Аның каберен күреп кайтасыбыз килә. Юл чыгымнарын каплауда дәүләттән ярдәм юк микән? Икенче соравыбыз: авылда күп кенә гаиләләргә бушлай газ плитәсе я казаны бирделәр. Ә безгә юк, тиеш түгел, диләр. Без икебез дә бик кечкенә пенсия алабыз (гомер буе хуҗалыкта эшләдек, хезмәт ветераннары булдык, югыйсә). Ник безгә бирелми ул плитә-казан?
Самат һәм Нурия Бакировлар,
Чиябаш авылы.
Кошки авыл җирлегендә яшәүче сугыш ветераннарына Бөек Җиңүнең 70 еллыгы уңаеннан истәлек медальләр тапшырганнар.
Чүп-чарны үз тракторлары белән чыгаралар.
2
апрель, 2015 ел
пәнҗешәмбе
Республикада узган ел һәр муниципаль районның үз сәнәгать паркын булдыру программасы эшләп китте. Безнең районда да шундый парк булдыру өчен Базарлы Матак янында (Түбән Биктимер авылы борылышында) җир бүлеп бирелде. Бүген резидентларны, ягъни бу паркта үз эшен җәелдерүчеләрне җәлеп итү эшләре бара.
Мартның соңгы көннәренең берсендә Түбән Әлкидә бик күңелле итеп Нәүрүз бәйрәме үткәргәннәр.
Иске Матак мәктәбенең җиденче сыйныф укучысы Матюшкин Роман физкультура буенча республика олипиадасында призлы урын алган. Укытучысы Михаил Леонтьев белән бик тырышып әзерләнгәннәр олипиадага. Нәтиҗәдә Роман теоретик сорауларга да дөрес җавап биргән, дүрт көнгә сузылган олипиада кысаларында футбол, волейбол кебек спортның уен төрләрендә, физкультура биремнәрен үтәүдә үзен яхшы яктан күрсәтә алган.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз