ЯҢАЛЫКЛАР
19
июнь, 2014 ел
пәнҗешәмбе
Милли ашлар атналыгында “Причал” кафесы (хуҗасы Гүзәлия Гатауллина) Базарлы Матакта яшәүче аз керемле гаиләләрдә үсүче балаларны төшке ашка чакырып сыйлады.
Чыгарылыш сыйныфлар бердәм дәүләт имтиханнарын тапшырып бетерделәр: быел мәктәпне тәмамлаган 111 укучы һәм узган елларда белем алган 1 кеше мәҗбүри булган рус теле һәм математикадан сынау үттеләр. Үз теләкләре белән имтиханнарны тагын 7 фәннән сайлаучылар да тынычланып калдылар. Инде 5 фән буенча имтиханнар нәтиҗәләре билгеле дә.
“Бердәм Россия” партиясе район җирле бүлегенең 22нче конференциясендә сайлауларга әзерлек мәсьәләсе каралды.
18
июнь, 2014 ел
чәршәмбе
7 июньдә булган район Сабан туенда спорт ярышларында һәм уеннарда җиңү яулаучыларның исемнәре
Бәйрәмгә шунда гомер итүчеләр генә түгел, читтә яшәүче биктмерлеләр дә килгән, дус-туганнарны сагынып, ераклардан кайтучыар да булган. Бәйрәмдә җыр-биюләр, төрле ярышлар һәм уеннар мавыктыргыч итеп оештырылган. “Тәмле шашлык, кайнар чәй бушлай иде. Түбән Биктимер кечкенә авыллар рәтеннән йөрсә дә, ул хезмәте белән танылган күп кенә күренекле шәхесләрнең туган авылы, тарихы да гыйбрәтле. Шуңадыр, авыл көне биредә җылы рухлы, күңелле булып үтте”, - диләр бәйрәмдә катнашучылар.
Базарлы Матакның Юбилей, Гафиятуллин, Сәйдәш урамнарына яңа суүткәргечләр салынды. Аларның гомуми озынлыгы 1230 метр тәшкил итә.
17
июнь, 2014 ел
сишәмбе
Татарстан Президенты Рөстәм Миңнеханов карары белән 6 июньнән 1 июльгә кадәр республикада янгынга каршы махсус режим урнаштырылды.
Район ЮХИДИ хезмәткәрләре узган атнада юл хәрәкәте кагыйдәләрен бозуның 92 очрагын ачыклаган.
Районыбызның барлык авылларында да мул яңгырлар явып узды. Исәбен алып баручылар, җирләребез 72 көн дәвамында сусап яңгыр көтте, диләр.
Агропромышленность комплексы системасында күпьеллык намуслы хезмәте өчен район авыл хуҗалыгы һәм азык-төлек идарәсенең җитештерү-маркетинг бүлеге начальнигы Фәрит Вәгыйзов Россия Авыл хуҗалыгы министрлыгының Рәхмәт хаты белән бүләкләнде.
Әлеге югары бүләкне аңа район Сабан туенда Россия Дәүләт Думасы депутаты Айрат Хәйруллин тапшырды.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз