“Челтәр компаниясе” ААҖ “Ур­лашу хакында хәбәр ит” акция­се башлануын игълан итә

“Челтәр компаниясе” ААҖ “Ур­лашу хакында хәбәр ит” акция­се башлануын игълан итә. Электр чыбыкларын, кабельләрне ур­лау, шулай ук электр энергиясен килешүсез һәм исәпкә алмыйча файдалану нәтиҗәсендә кулла­нучыларны электр белән тәэмин итүнең сыйфаты һәм ышанычлы­лыгы бик нык кими. Электр челтәре компаниясе өчен бу шактый матди зыян дигән сүз. Халык та моннан зарар күрә – электр челтәрендәге көчәнешнең “сикерүе” аркасында көнкүреш электр җиһазлары (суыт­кычлар, телевизорлар, микродул­кынлы мичләр) сафтан чыга.

Хөрмәтле кулланучылар! Электр челтәре җиһазларын урлау, эретеп ябыштыру җайланмасын законсыз куллану, чыбыкларга әйбер элү, исәп приборларының бөтенлегенә хи­лафлык китерү, чит объектларга то­ташу очраклары хакында белсәгез, боларны 8-800-2000-878 телефо­ны буенча хәбәр итсәгез иде. Сез җиткергән мәгълүматлар “Челтәр компаниясе” ААҖ белгечләренә әлеге бозуларга оператив игътибар итәргә һәм аларны бетерергә булы­шачак.

Контакт-үзәккә мөрәҗәгать иткәндә үзегез шаһит булган хәлнең адресын хәбәр итү зарур. Вакыйга урынында күзегезгә ча­лынган машинаның номерын исегездә калдырсагыз, язып алса­гыз яисә телефоныгызга фотога төшерсәгез дә бик әйбәт. Әгәр ур­лау факты расланса, “Челтәр ком­паниясе” ААҖ хезмәткәрләре уяу гражданин белән элемтәгә кереп, аңа бүләкне кайчан алырга мөмкин булуын хәбәр итәчәкләр.

Бүләк акча түләнсен өчен түбәндәге шартларның үтәлүе за­рур:

–хәбәр итүче үзе турындагы мәгълүматны җиткерә: ФИО, яшәү урыны һәм телефон номеры;

–хәбәр итүче үзенең персональ мәгълүматларын эшкәртүгә риза­лык бирә.

Алынган мәгълүматның конфи­денциальлеге гарантияләнә.