31 августка булган мәгълүматларга караганда, районыбызның 19 комбайнчысы республика лидерлары исемлегенә кергән.

Әйләнә-тирәләре һәм бакчалары  иң матур булган шәхси хуҗалыклар һәм оешма-учреждениеләр мәгълүм булды.

1 сентябрьдә билгеләп үтеләчәк Корбан бәйрәме белән  мөселманнарны район башлыгы, район советы рәисе Александр Никошин тәбрикләде.

Әлки районында 30 августта Республика көне уңаеннан зур ярминкә, концерт, эшләүче яшьләрнең иҗат фестивале һәм күңел ачу чаралары булды. Бәйрәм чараларында бик күп кеше катнашты.

Район механизаторлары 12300 гектар мәйданда көзге чәчү эшләрен башкардылар. Бу барлык чәчеләсе мәйданнарның 53 процентын тәшкил итә.

Борискино һәм Чуаш Борнае авыл җирлекләре башлыклары Татарстан Президенты Рөстәм Миңнеханов кулыннан яңа машина ачкычлары алдылар.

Быел юл хәрәкәте кагыйдәләрен бозган өчен административ штрафларны вакытында түләмәгән 105 кешегә карата материаллар судка юлланган.  

Районыбызның иң өлкән белем учакларының берсе – Түбән Әлки урта мәктәбе 100 яшьлек юбилеен билгеләп үтте. Мәктәп коллективы зур тырышлык куеп әзерләгән әлеге гаҗәеп бәйрәм тирә-күрше авыллардан, Казаннан, республиканың төрле районнарыннан һәм күрше төбәкләрдән бик күп кунаклар җыйды. Мәктәп ишегалдында көндезге дүрттә башланган тантана төнгә кадәр дәвам итте.

Быелгы уракта  34431 гектар мәйданда бөртеклеләрне җыеп аласыбыз булса, шуның 58 процентында урып-җыю башкарылды. Элеватор, амбарларга … тонна икмәк керде. 

Уҗым бодаеның  70 проценттан  артыгы суктырылып саклауга урнаштырылды. Районда бу культураның уртача уңышы гектардан 40 центнер тәшкил итә. Көзге бодай – 43,6 центнер, арпа – 35,1 центнер, борчак 26 центнер уңыш белән сөендерде. Солы культурасы өчен дә ел уңышлы килде – ул һәр гектардан 47,8 центнер чыгып килә.

Игеннәр һәр җирдә өлгерде. Аларның дымлылыгы 12-14 процентка кадәр төште. Хуҗалык җитәкчеләре комбайннарны иң элек коела торган борчак, арпа басуларында эшләтергә тырышалар. 

“Кызыл Шәрык-Агро”ның  Көнбатыш Әлки филиалы комбайнчылары, төшкә кадәр Тахтала отрядында эшләп, көннең икенче яртысында Иске Матак басуларында суктыра башладылар. Игеннәрне турыдан-туры җыеп алуда эшләүче дүрт комбайн янында без дә булып кайттык.

Азат Низамиев.

Район урманнарында 4-5 нче класслы, ягъни иң югары янгын куркынычы хөкем сөрә.