22 август районыбызда вакыйгаларга бай булды. Карга һәм Иске Чаллы авылларында Бөек Ватан сугышы ветераннарының һәм аларның гаилә әгъзаларының торак шартларын яхшырту программасы нигезендә ике яңа өй файдаланылуга тапшырылды. Моннан тыш, өч авылда спорт мәйданчыклары ачылды. Әлеге вакыйгалар уңаеннан әлкилеләрнең шатлыгын уртаклашырга Татарстан Дәүләт Советының дәүләт төзелеше һәм җирле үзидарә комитеты рәисе Валентина Липужина да килгән иде.
Яшь буынга белем һәм тәрбия бирү өлкәсендә купьеллык нәтиҗәле хезмәтләре өчен Н.Дәүли исемендәге гимназиянең рус теле һәм әдәбияты укытучысы Нурия Фәракшина һәм Базарлы Матак урта мәктәбенең рус теле һәм әдәбияты укытучысы Ләйсән Хәсәнова республиканың Мәгариф һәм фән министрлыгы Мактау грамотасы белән бүләкләнделәр.
Әлеге бүләкләр укытучыларның август киңәшмәсе пленар утырышында тапшырылды.
23 августта кичке сәгать 11 тирәсендә район эчке эшләр бүлегенең дежур частена билгесез ир-ат шылтыратып, полиция бинасына шартлаткыч куелуын хәбәр итә.
2013 ел өчен милек салымнары (җир, мөлкәт, транспорт) быелның 5 ноябреннән дә соңга калмыйча түләнергә тиеш.
Салым службасы әлкилеләргә шул хакта искәртә.