ЯҢАЛЫКЛАР

Районда “Бердәм Россия” партиясе көне үткәрелде. Партиянең Татарстан төбәк бүлекчәсе җитәкчеләре, Россия Дәүләт Думасы, Татарстан Дәүләт Советы депутатлары, министрлар урынбасарлары, РФ Пенсия фондының Татарстан бүлекчәсе җитәкчесе, башка республика оешма һәм учреждениеләре белгечләре, районга килеп, берьюлы берничә мәйданчыкта әлкилеләр белән очрашулар үткәрделәр. Алар “Бердәм Россия” партиясе тарафыннан башкарыла торган эшләр, гамәлгә ашырылучы проектлар турында сөйләделәр, очрашуларда катнашучыларның күпсанлы сорауларына җавап бирделәр.

Дәүләткә үпкәләрлегебез юк – мәгарифне үстерүгә бик зур суммалар тотыла. Мәктәпләр төзү һәм ремонтлаудан тотынып, укытучыларның хезмәт хакларын арттыру, аларны төрле грантлар белән үсендерүгә кадәр ел саен миллионнар тотыла. Мәгарифне дәүләтебезнең “сөекле баласы” дип атасак та була. Ә менә ул “бала” үзе канәгатьме? Шундый кайгыртуга аның җавабы нинди? “Бердәм Россия” көнендә район педагоглары Хураданың өр-яңа мәдәният үзәгенә җыелап, Дәүләт Советы депутаты Анастасия Исаева һәм мәгариф министры урынбасары Данил Мостафин белән шул турыда сөйләштеләр.

Чернобыль… Украинаның яшеллеккә, җиләк-җимеш бакчаларына күмелеп утырган җәннәт почмагыдай бер шәһәрчеге була ул. Ә бүген бу атама кешелекнең өнен алган коточкыч сүзгә әйләнде. 28 ел элек егерменче гасырның иң зур катастрофасы –Чернобыль атом электр станциясенең дүртенче блогындагы шартлау турындагы хәбәр бөтен планетага яңгырады. Әлеге фаҗига дистәләрчә мең кешеләрнең гомерен алып китте. 

Казанда пауэрлифтинг буенча республика ярышларында Гөлнур Зыятдинова хатын-кызлар арасында II урынны яулады.

Берсеннән-берсе чибәр егетләр һәм кызлар, күтәренке рух һәм энергия, шатлыклы елмаюлар һәм шул ук вакытта җитди, эшлекле мөнәсәбәт – “Бердәм Россия” көнендә район мәдәният йортында узган яшьләр форумында әнә шундый тантаналы-бәйрәмчә мохит хөкем сөрде. Әлеге чара “Полит Завод-2014” республика иҗтимагый-сәяси проекты кысаларында узды.

Туган тел язмышы бүген күпләрне борчый. Милли телләрнең киләчәге бармы, дигән мәсьәлә еш кына бәхәсләр дә уята. Ә сез туган телегезне яхшы беләсезме, балаларыгызга аны өйрәттегезме? Өйдә нинди телдә сөйләшәсез?

Бүген балалар китапханәсе музыка мәктәбе белән берлектә “Ромашка” балалар бакчасында “Безнең күңелләрдә син, Тукай!” исемле әдәби-музыкаль кичә үткәрде.

Муниципаль район башкарма комитетының сигезенче утырышында янгын куркынычсызлыгы турында сөйләштеләр. 20 апрельдән 15 майга чаклы район территориясендә махсус янгын режимы игълан ителә.

“Көньяк Әлки” филиалының “Борискино”, “Юхмачы” отрядлары бүген арпа, катнаш культураларны чәчүгә кереште.

ЮХИДИнең район бүлеге инспекторлары белән чираттагы рейдка чыктык. Бу юлы Базарлы Матак мәктәбе янында тукталыш ясарга булдык. Балаларын бакчага илтүчеләр дә шушыннан уза.