ЯҢАЛЫКЛАР

Бүген Нәби Дәүли исемендәге гимназиянең 8а һәм 8б сыйныф укучылары Әлки районының терлекчелек фермалары буенча экскурсия маршруты узды. Аларга техниканы күрсәттеләр, май, ит, ярмалар җитештерү турында сөйләделәр. Балаларны әлеге предприятиеләрнең табышлары белән кызыксындырып, эшкә чакырдылар.

“Экстремизм- ЮК! " айлыгы дәвам итә. Нәби Дәүли исемендәге гимназия укучылары “Тынычлык мәйданы"акциясендә катнашты. Сыйныф сәгатьләре, әңгәмәләр, рәсем конкурслары узды.

2018 елның 20 сентябрендә Базарлы Матак авылында урнашкан аграр көллиятнең Әлки филиалында автомобиль белән идарә итүгә хокук алу буенча имтиханнар үткәрелде. Имтиханга утыз курсант килде, унтугызы теоретик һәм практик өлешне  уңышлы тапшырды. Калган курсантлар өчен кабат имтихан бирү ун көннән соң булачак.

Начар метеорологик күренешләр:

2018 елның 22 сентябрендә төнлә һәм иртән Татарстан Республикасы территориясендә һәм Казанда урыны белән томан көтелә.

Алмашынучан болытлы һава.

Явым-төшемсез. Төнлә һәм иртән урыны белән томан.

Җил көньяк-көнбатыштан, көнбатыштан 5-10 м/с.

минималь һава температурасы төнлә +6 º+9 º, көндез максималь һава температурасы + 20 º +23º

19 сентябрь көнне Борискино авыл китапханәсе Борискино урта мәктәбенең 1-6 сыйныф укучыларын "чуваш язуы – 147 ел"темасына  үткәрелгән әңгәмәгә чакырды. Китапханәче Самарина Наталья Павловна балаларга Чуваш язуының килеп чыгышы турында сөйләде. Укучыларны чуаш халкының күренекле мәдәният һәм мәгърифәт эшлеклесе, заманча Чуваш язуы иҗат итүче Иван Яковлевның тормыш юлы һәм эшчәнлеге белән таныштырды. Яшь китап укучылар заманча алфавит булдыру тарихын белделәр. Наталья Павловна балаларны хәзерге заман чуваш язучылары һәм аларның әсәрләре белән таныштырды.

17 сентябрь көнне Чуаш Кичүе авыл китапханәсендә Абдулла Алишның тууына 110 ел тулу уңаеннан " Олы  йөрәкле кеше” дип исемләнгән әдәби чара үткәрде. Чарага башлангыч сыйныф укучылары һәм мәктәпкәчә яшьтәге балалар чакырылган иде. Китапханәче Борһанова Резеда Рәис кызы балаларны язучының тормыш юлы һәм иҗаты белән таныштырды. Абдулла Алиш күп шигырьләр, очерклар, хикәяләр, пьесалар гына түгел, ә татар әдәбияты хәзинәсен баеткан әкиятләр дә язган. Аның әсәрләре балаларда хезмәт сөючәнлек һәм игелеклелек хисе тәрбияләргә ярдәм итә, үз илеңне яратырга, кыю, гадел булырга, өлкәннәрне хөрмәт итәргә өйрәтә. Чара барышында балалар авторның бик күп китаплары белән таныштылар.

Юхмачы урта мәктәбендә очучы Герой Виктор Талалихинның тууына 100 ел тулу уңаеннан ОБЖ укытучысы А. Н.  Романов ДОСААФ РОО ның Әлки җирле оешмасы рәисе М. З. Хөснетдинов белән берлектә Яшь армиячеләр өчен "Таранга барам"дигән батырлык дәресе үткәрделәр.

Росреестрның Татарстан Республикасы буенча идарәсенең Аксубай бүлеге җитәкчесе  Лилия Сәхәбетдинова “Нечкәбил-2018 " Республика   конкурсының ярымфиналына чыкты. Аның белән бергә конкурста аның бөтен тату гаиләсе: ире Мансур, улы Данир (әнисе юлыннан китеп, җир төзүче һөнәрен үзләштерүче), кызы Солтана һәм якын туганнары катнашты.

2018 елның 21 сентябрендә төнлә һәм иртән Татарстан Республикасының көнчыгышында һәм көньягында урыны белән туфракта  -1 кадәр кырау көтелә.

Алмашынучан болытлы һава.

Төнлә-иртән урыны белән кыска вакытлы яңгыр, көндез явым-төшемсез.

Җил төньяк-көнбатыштан 3 -8 м/с, көчәйгәндә 12 м/с ка кадәр.

Һаваның минималь температурасы төнлә +4º +8º,

 түбән урыннарда кырау -1º гә кадәр

көндез максималь һава температурасы +16º +  19º