ЯҢАЛЫКЛАР
15
июль, 2014 ел
сишәмбе
Базарлы Матакта күптән түгел ачылган “Салават күпере” балалар бакчасында әлегә бер генә төркем эшли. Биредә исемлек буенча 16 бала тәрбияләнә.
14
июль, 2014 ел
дүшәмбе
Фән һәм мәгариф хезмәткәрләре профсоюзы район комитеты юлламалар алып, 11 укытучы һәм мәктәп директорын “Россиянең алтын балдагы” маршруты буенча теплоходта ял иттергән. Сәяхәтчеләр Казаннан Кострамага кадәр барып җиткәннәр, илебезнең борынгы шәһәрләрен күреп, аларның үткәне һәм бүгенгесе белән танышканнар.
Мәгариф хезмәткәрләре шулай ук “Крутушка”, “Жемчужина”, “Лучезарный”, Азнакай шифаханәләрендә ял итеп, сәламәтлекләрен ныгыталар (барлыгы 10 кеше).
Районда беренчеләрдән булып “Хузангай” кооперативы игенчеләре урып-җыю эшләрен башлап җибәрделәр.
Район оешмалары һәм учреждениеләре коллективларына, авыл җирлекләренә 54745 пар яфрак һәм дару үләннәре себеркеләре хәзерләү бурычы куелган иде.
Район үзәк хастаханәсенең бала тудыру бүлегендә үткән атнада бер кыз һәм бер малай дөньяга килгән.
Базарлы Матактан Салахова Айзиләнең улы – гаиләдә өченче бала. Ә Шиһапова Миләүшәнең кызы – беренче сабый.
Җомга һәм якшәмбе көннәрендә Базарлы Матакның Көнчыгыш урамында, Әхмәт авылында мунча һәм гаражда янгын чыга.
12
июль, 2014 ел
шимбә
"Алексеевскдорстрой" җәмгыятенең Әлки участогы юлчылары бу көннәрдә Базарлы Матак-Мамыклы трассасында (11-14 км) әзерлек эшләрен тәмамладылар.
Авыл хуҗалыгы һәм азык-төлек министрлыгы тарафыннан крестьян-фермер хуҗалыкларына алдан бәясен тулысынча түләү шарты белән 1 литры 29 сум 20 тиеннән дизель ягулыгы биреләчәк.
Заявкаларны 20 июльгә кадәр район авыл хуҗалыгы һәм азык-төлек идарәсенә тапшырырга кирәк.
Яңа Әнҗерәдән Рәшит һәм Румия Гобәйдуллиннар "Мәхәббәт һәм тугрылык өчен" медале белән бүләкләнделәр
Россиядә 2008 елдан бирле Гаилә, мәхәббәт һәм тугрылык көне билгеләп үтелә. Ул вакыттагы ил башлыгының тормыш иптәше Светлана Медведева тәкъдиме белән бәйрәм ителә башлады ул. Һәм, теләсә кайсыбыз өчен иң кадерле, иң изге кыйммәтләргә багышлангангадыр, халык тарафыннан кабул да ителде.
Нинди генә хәлләргә юлыкмый адәм баласы бу тормышта! Аларның төрлесе була: кайчак кызык я күңелсез хәлгә тара ул, кайчак көлкегә кала я фаҗигага эләгә…
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз