ЯҢАЛЫКЛАР
15
май, 2015 ел
җомга
Алпар авылы үзәгендә яу кырында ятып калган авылдашлар истәлегенә куелган һәйкәл зур ремонттан соң янә ачылды. Һәйкәл янәшәсендә Бөек Ватан сугышында һәлак булган 248 алпарлының исемнәре теркәлгән обелиск та булдырылган. Бу композиция матур тимер койма белән дә әйләндереп алынган. Зур чыгымлы да, бик игелекле дә бу эшләрне нәсел тамырлары белән шушы җирлектән булган, бүген Казанда пассажирлар йөртү предприятиясен җитәкләүче Альберт Мөхәммәтшин үз өстенә алган.
15 майдан 15 июньгә кадәр республикада "Игътибар –балалар!" профилактика чарасы үткәрелә.
Истәлекле даталар календаренда ул БМО Генераль Ассамблеясы резолюциясе нигезендә барлыкка килде.
12
май, 2015 ел
сишәмбе
Районыбызда яшәүчеләрнең 30 проценты торак-коммуналь хезмәтләр өчен һәм башка төр түләүләрне электрон төстә башкара.
Советлар Союзы Герое Гордей Филипповның туган авылы Катюшинода Бөек Җиңүнең 70 еллыгын зурлап билгеләп үттеләр.
10
май, 2015 ел
якшәмбе
Еллар үткән саен сугыш чоры хатирәләре күңелдә яңара бара. Ул чакларны онытырлык түгел. Безнең буынга туры килгән 1941-1951 еллар бигрәк авыр булды шул.
Рәхмәт сезгә, Җиңү солдатлары!
Сугыш – ил өстенә ишелеп төшкән, шәһәр, авылларны яндырып көл иткән афәт, һәр гаиләнең, һәр кешенең бүгенгесен җимереп, киләчәккә өметләрен өзгән чиксез кайгы.
Сугыш – миллионнарның Ватанын, азатлыгын яклап яуга күтәрелүе, ут астына керүе, тылда фидакарь хезмәте. Сугыш – толларның ачы хәсрәте, ятимнәрнең мәңге кипмәс күз яше… Шуңа да Җиңүнең кыйммәте бәяләп бетергесез, шуңа да Бөек Җиңү бәйрәме 9 Май һәрберебез өчен кадерле, дулкынландыргыч.
Моның кадәр халыкны Базарлы Матак үзәгендәге Азат итүче солдат һәйкәле каршындагы мәйдан моңарчы күрмәгәндер. Иртәдән бирегә бәйрәмчә киенгән ир-атлар, хатын-кызлар, яшьләр, балалар ашыкты. Ә өлкәннәрне олы хөрмәт белән машиналарда алып килделәр. Мәйдан матур итеп бизәлгән, һәйкәл каршында мәңгелек утның ялкыннары җилдә җилферди. Һәркемнең йозендә шатлык катыш тантаналылык. Бүген бит бөтен халык бәйрәме.
8
май, 2015 ел
җомга
Вакыйф Фатыйхов тумышы белән Яңа Салманнан: ул 1921 елның 2 маенда шушы авылда дөньяга килгән. Бөек Ватан сугышында башыннан ахырынача катнаша. Башта снайпер мылтыгыннан атучы, тора-бара 50 нче укчы гвардия дивизиясенең укчылар взводы командиры була. Яралана, госпитальдә дәваланып чыга. 1944 елның августында Вакыйф Хатыйп улын Харьковтагы Хәрби-сәяси училищега укырга җибәрәләр. Аны 1946 елда тәмамлый егет. Һәм шул вакыттан ул совет милициясендә: милиция участок уполномоченные булып 20 ел эшләгәч, җинаятьләрне эзләү уполномоченные булып 5 ел хезмәт итә, аннары 8 ел паспорт өстәле начальнигы була.
Иртәгә олы бәйрәм – Бөек Ватан сугышында Җиңүнең 70 еллыгын билгеләп үтәбез.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз