ЯҢАЛЫКЛАР

Узган атнада "Кызыл Шәрык-Агро" басуларында чәчелгән мәйданнарны кабул итү булды. "Восток Зернопродукт" ЯАҖ генераль директоры урынбасары Илдар Дәүләтшин җитәкчелегендәге комиссия, барлык отрядлар басуларында йөреп чыгып, чәчүлек мәйданнарының торышына бәя бирде, кимчелекләрне күрсәтте. Комиссия составында район авыл хуҗалыгы һәм азык-төлек идарәсенең җир эшкәртү буенча консультанты Фәргать Зәкиев, "Россельхозцентр"ның ТР буенча район бүлеге җитәкчесе Рафик Сафин да бар иде. Кабул итүдә отрядларның баш агрономнары катнашу аларга  үзара тәҗрибә уртаклашу мөмкинлеген дә тудырды.

Балаларны яклау көне алдыннан Хәйруллинның Хәйрия фонды Казан, шулай ук Спас, Югары Ослан, Яшел Үзән, Әлки һәм Алексеевск районнарында яшәүче балалар өчен тылсымлы бәйрәм бүләк итте.

Узган 2012 ел тарихи-мәдәни мирасыбыз елы иде. Хәер, туган төбәгебезнең, халкыбызның тарихын өйрәнү, ата-бабаларыбыздан калган кыйммәтле мирасны барлау эше беркайчан да тукталырга тиеш түгел.
Бүген мин райондашларыма Әлки төбәгенең горурлыгы булган тарихчы, этнограф, данлыклы археограф, мөгаллим Сәид Вахиди турында сөйлим. Быел аның тууына 126 ел тулды. Ташбилгедә Сәид Вахидинең рус-татар башлангыч мәктәбе ачып җибәрүенә исә былтыр 100 ел тулды.

1 июнь – Халыкара балаларны яклау көнен шимбә көнне район үзәгендә зурлап билгеләп үттеләр. Мәдәният йортында балалар өчен район башкарма комитеты, "Кайгырту" социаль хезмәт күрсәтү үзәге, Балалар иҗаты йорты һәм үзешчәннәрнең күмәк тырышлыгы белән сабыйлар өчен зур бәйрәм оештырылды.

Районда "Иң төзек чишмә" конкурсы игълан ителде.

Узган атнада район юлларында юл хәрәкәте кагыйдәләрен бозуның 76 очрагы теркәлгән.

Май аенда яңа туган балалар хисабына район халкы 17 кешегә арткан.

29-30 майда район үзәк хастаханәсе йортында  Республика кан салу станциясенең күчмә пункты эшләде.

"Россельхозцентр"ның район бүлегенә яфрак диагностикасы җиһазы кайтты.

2 июньдә,  якшәмбе көнне Сихтермә-Хузангай авылында урта мәктәп стадионында  чуаш халкының милли бәйрәме Ака-туй булды. Аны "Хузангай" кооперативы оештырды. Бәйрәм күп халык катнашында, зур әзерлек белән, бик җанлы һәм эчтәлекле үтте.