ЯҢАЛЫКЛАР

Митингта сугыш ветераннары, тыл хезмәтчәннәре, район үзәгендә яшәүчеләр, Нәби Дәүли исемендәге гимназия укучылары катнашты. Митингны район башлыгы Александр Никошин башлап җибәрде.

Әлки районы үзәге Базарлы Матакта көн саен Җиңү парады репетицияләре үткәрелә.

Базарлы Матакның Имәнлек урамындагы “Ана даны” паркында 30 апрельдә булган бәйрәм Габдулла Тукайның тууына 130 ел тулуга багышланды һәм әдәби парк рәвешендә үтте.

Район оешмалары һәм учреждениеләре арасында үткәрелгән “Игелек кыл” үзешчән сәнгать фестиваленә йомгак ясалды.

Быелның дүрт ае нәтиҗәләре буенча авыл җирлекләре рейтингында Иске Чаллы җирлеге лидер.

Апрель аенда районда  тугыз бала дөньяга килгән, ике никах теркәлгән.

“Алиш эзләреннән” төбәкара (межрегиональный) фәнни-гамәли конференциясендә безнең укучылар да уңышлы чыгыш ясады.

Бөек Ватан сугышында катнашкан ветераннарга, шулай ук ветераннарның тол хатыннарына Татарстан Президенты Рөстәм Миңнеханов бүләкләре кайтты.

Дәүләт Думасы депутаты Айрат Хәйруллинның эш көне сәгатьләп бүлеп куелган:  «Бердәм Россия»партиясенең төбәк башкарма комитетында сәяси дебатлар, республика районнары буенчакомандировкалар, һәм тагын – парламент тыңлаулары,конференцияләр, киңәшмәләр…  Узган атнадаэш көненең бер өлешен  Айрат Нәҗипович Әлки районында үткәрде, анда ул сайлаучыларны кабул итте, халык белән очрашты. Базарлы Матактагы район Мәдәният йортында сайлаучылар каршында шулай ук Дәүләт Думасы депутаты Евгений Гришин, РТ мәдәният министры Айрат Сибагатуллин һәм Казан шәһәре Торак-инвестиция компаниясе генераль директорының беренче урынбасары Марат Хәйруллин чыгыш ясады.

Тиздән Совет халкының Бөек Ватан сугышында Җиңүнең 71 еллыгын билгеләп үтәчәкбез. Безнең илдә яшәүче һәркем өчен кадерле бәйрәм ул, чөнки аның дәһшәте кагылмаган, яу кырында бабасын я әтисен югалтмаган, әбисе я апасына тыл хезмәтчәне булырга туры килмәгән гаиләләр юктыр ул. Шуңа күрә дә бу бәйрәмгә күңелләребездә аерым хис, аерым мөнәсәбәт саклана.