ЯҢАЛЫКЛАР
12
февраль, 2015 ел
пәнҗешәмбе
Сыйныф җитәкчеләренең осталык конкурсларында быел 300 дән артык педагог катнашты.
Район музыка мәктәбе укучылары, беренче мәртәбә “Созвездие-Йолдызлык” фестивалендә катнашып, район турында дүрт призлы урын яуладылар.
Полиатлон (кышкы өч төр ярыш) буенча Казанда узган республика чемпионатында районыбыз җыелма командасы өченче урынны алды.
Татарстанда узган елның апрель аенда “Безнең кадерле ветераныбыз” республика проекты старт алган иде. Әлеге проект кысаларында дәвалау учреждениеләрендә ветераннар өчен яңартылган уңайлы палаталар булдыру максат итеп куелды. Районыбыз үзәк хастаханәсендә сугыш ветераннары өчен җиде кешегә исәпләнгән биш махсус палата җиһазланган.
11
февраль, 2015 ел
чәршәмбе
«Иминият взнослары түләп бөлгенлеккә төшкән бер генә гаиләне дә белмим, ә моны эшләмәү аркасында фәкыйрьләнгән гаиләләр миңа мәгълүм»,–дип әйтә торган булган егерменче гасырның бик зирәк сәясәтчеләренең берсе Уинстон Черчилль. Сэр Уинстон заманнарыннан бирле әллә ни үзгәрмәде дә. Җәмгыять кинәт килеп чыккан югалтуларны каплауны гарантияләүче саклык чараларының иминияттән тыш бүтән төрен уйлап тапмады әле.
Авылларыбызда ай дәвамында барган җыеннарның һәркайсында диярлек халык күтәрә торган сораулар бар. Шуларның берсе – газ өчен түләү мәсьәләсе.
Түбән Әлки җирлегенә караган авыллар халкы гомер-гомергә эшле һәм ашлы булды. Заманында йөзәрләгән кешене берләштергән "Сельхозтехника" кайнап торды биредә. Әле дә "Ремтехсервис", бертуган Шәйхетдиновларның зур-зур предприятиеләре, "Яшь-Көч" ҖЧҖ, "КШ-Агро" отряды кебек аягында нык басып торучы хезмәт коллективлары бар. Авыл җирлеге башлыгы Мансур Галиуллин үз хезмәтен әнә шул предприятиеләр белән иңгә-иң торып алып барырга тырыша да инде.
10
февраль, 2015 ел
сишәмбе
Район мәгариф бүлеге мәктәпләр быел җыйган 10 тонна макулатураны эшкәртүчеләргә озатырга әзерләгән.
Пенсияләрне дәүләт белән уртакка финанслау программасы эшли башлаганнан бирле анда 1097 әлкиле катнашкан.
Үткән елда “Әлки коммуналь челтәрләре” җәмгыяте алар күрсәткән хезмәтләр өчен акча түләргә теләмәгән 20 кешене судка биргән. Аларның гомуми бурычы 92888 сумнан артып киткән. Эш судка барып җиткәч, бурычлыларның кайберләре тизрәк түләү ягын караган. Шулай итеп, 44841 сум бурыч коммуналь челтәрләргә кире кайтарылган. Суд приставлары калган бурычларны кайтару өчен тырыша.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз