Район мәктәпләре җыеп тапшырган макулатуhа өчен 69 мең сум акча алганнар
Бу акчага биш теннис өстәле сатып алынган. Үткән атнада барлыгы 6 тонна макулатура җыелган, аның 1,5 тоннасы сәүдә нокталарыннан хәзерләнгән товар тармалары.
Иске Камка авыл мөселманнары, рәхмәтләр әйтеп, муллалары Нәбиулла Гариповны “Лаеклы ялга” озатканнар.
Нәбиулла ага мулла вазыйфаларын 22 ел үтәп килгән. Хәзер инде аның урынына авыл халкы Сафин Мансурны, мәзин итеп Әхмәтҗаноы Әдһәмне сайлап куйганнар.
Район мәдәният хезмәткәрләре авылларда балалар өчен төрле чаралар үткәрәләр.
Мәсәләр, Татар Борнае, Иске Камка һәм Бибай Чаллысы малайлары һәм кызлары өчен “Җырлы-моңлы балачак”, Иске Әнҗерә, Чуаш Шәпкәсе, Урта Әлки, Демидовка һәм Югары Кәчи авыл клубларында “Серле урман” дигән күңел ачу чаралары уздырылган.
Ә уҗым бодаеның яртысыннан артыгы суктырып алынды. Бөртеклеләрнең уртача уңышы гектардан 24,3 центнер тәшкил итә. “Кызыл Шәрык-Агро” хуҗалыкларында 500 гектарда, “Хузангай” кооперативында 1000 гектарда борчак теземнәргә салынды. 2 мең тоннадан артык салам прессланды. Барысы 16,8 мең тонна яшел масса сенажга салынды.