ЯҢАЛЫКЛАР

Бәйрәм бүләксез була димени? Яңа ел бигрәк тә. Кибетләребез бүген нинди генә Яңа ел бүләкләре тәкъдим итми. Көнкүреш техникасы дисеңме, кием-салыммы, кыйммәтле зәркән эшләнмәләреме, косметикамы... Иң күп бүләкләрне балалар алыр, билгеле. Алар өчен уенчыкларның ниндиләре генә юк сәүдәдә. Татлы Яңа ел бүләкләрен дә кибетләр инде декабрь башыннан ук тәкъдим итә башлады. Рәсемле матур капларга тутырылган "тәмле" бүләкләрнең бәясе 120 сумнан башлап 300, 500... сумнарга кадәр. Хәер, кемнең кесәсе нинди бүләк алырга мөмкинлек бирә. Татлы бүләкләрнең әзерләре дә бихисап, конфет-шоколадларны үзең сайлап та тутыра аласың.

20 декабрьдә район халкына бушлай юридик ярдәм күрсәтү көне үткәрелә.

20 декабрьдә муниципаль район советының 28нче утырышы була.

Иске Матак мәктәбенең 9 сыйныф укучысы Семен Юманов Казанда узган Бөтенроссия җиңел атлетика ярышларында өченче урынны яулады.

Узган атнада район юлларында  дүрт авария булган.

Милек, җир, транспорт салымнарын (2013 ел өчен) 1 ноябрьгә кадәр түләмәгәннәрнең салым бурычына һәр көн  өчен (просрочка көне) пеня өстәлә бара.

"Үткәнен белмәгән халыкның киләчәге юк", диләр. Бу уңайдан Карга авылы халкы бәхетле. Бүген аларның кулларында авылларының бай тарихы язылган "Каргауыл" китабы бар. Архив материалларына, документларга, истәлекләргә нигезләнеп язылган, гаять матур эшләнешле 500 битле әлеге китап авылдагы һәр йортның хәзинәсенә әверелер, мөгаен. Күптән түгел Карга авылы мәдәният йортында "Каргауыл" китабын  тәкъдим итү кичәсе булды.

Россия Федерациясе Кораллы Көчләренә көзге чакырылыш дәвам итә. Шул уңайдан без район хәрби комиссары Виктор Лаврентьев белән очраштык һәм берничә сорау бирдек.

Күпьеллык нәтиҗәле хезмәте, милли музыка сәнгатен  үстерүгә лаеклы өлеш кертүе өчен якташыбыз, танылган җырчы Сөнгатуллин Мирсәет Миншәһит улына Татарстан Республикасы Президентының Рәхмәте белдерелде.

Пауэрлифтинг – авыр атлетиканың бер юнәлеше, яткан килеш штанга күтәрү дигән сүз. Зур физик көч, нык исәнлек таләп итүче бу спортны массакүләм дип әйтеп булмый, һәрхәлдә, республика ярышларында барлык районнар да үз вәкилләрен җибәрә алмый.