ЯҢАЛЫКЛАР

22-24 майда Түбән Кама шәһәрендә билбаулы көрәш буенча 1996-1998 елларда туган үсмерләр арасында республика беренчелеге булды.

25 майда районыбыз мәктәпләрендә соңгы кыңгырау чыңлады. Күпләрнең хәтерендә тирән уелып кала торган истәлекле вакыйгаларның берсе ул – соңгы кыңгырау бәйрәме.
Быел  районыбыз мәктәпләрендә 122 егет һәм кыз 11 сыйныфны, 264 укучы 9 сыйныфны тәмамлыйлар.

"Мин ришвәт алмыйм, ил өчен йөрәк әрни!"– "Белое солнце пустыни" фильмы героеның канатлы гыйбарәгә әйләнгән бу сүзләре бүген Россиядә беркайчан да булмаганча актуаль.
Әйе, без бүген күп мәсьәләләрне ришвәт биреп кенә хәл итеп булган  чорда яшибез. Сер түгел, катлаулы проблеманы тизрәк хәл итү өчен  күпләр ришвәт бирергә әзер. Моннан тыш, хезмәт урыныннан усалларча файдаланып үз кесәсен тутыручылар да байтак. Бер сүз белән әйткәндә, коррупция җәмгыятебездә тамырларын тирән җибәрде, һәм бу яманлыкка чик кую ансат булмас.

Үзеңнең кемлегеңне белергә, киләчәгеңне күзалларга теләсәң, үткәннәргә борылып кара, диләр. Үткәннәрне җентекләп өйрәнү, объектив бәяләү милләтебез-халкыбызның асылын, тарихта тоткан урынын аңларга да мөмкинлек бирә шул. Узган шимбәдә – 25 майда  изге Болгар җирендә булган зур җыен да кабат тарих сәхифәләренә сәяхәткә чакырды, халкыбызның шанлы үткәне өчен чын горурлык хисләре кичерергә, бүгенге сокланырлык матур һәм зур эшләренә чиксез сөенергә мәҗбүр итте.

Бүген районыбызда умартачылык белән шөгыльләнүчеләр аз түгел. Кемдер бу шөгыльне яңа башлап җибәрсә, ата-бабаларыннан күчкән умартачылык хезмәтен дәвам иттерүчеләр дә бар. Соңгы елларда умартачылыкка  игътибар артса да, бу эшнең зур өлеше әле дә булса һәвәскәрләргә туры килә.
Кошки авылында яшәүче Галина Павлова бу мавыктыргыч һәм үзенчәлекле хезмәт белән бик күп еллардан бирле шөгыльләнә. Шушы көннәрдә без Галина Геннадьевна янында булып, аның эш серләре белән танышып кайттык.

Лаеклы ялга чыктымы, кеше хезмәт вазыйфаларыннан гына түгел, күп еллар бергә эшләгән коллективыннан, туганнардай якынаеп беткән хезмәттәшләреннән аерыла, аның аралашу даирәсе бик нык тарая. Ә буш вакыт, киресенчә, күбәя. Аны ничек файдалы итеп оештырырга, күңел төшенкелегенә бирелмичә, ялгызлыкка бирешмичә ничек көн итәргә?

Район эшмәкәрләре өчен файдалы киңәшмә үткәрелде – Татарстан икътисад министры урынбасары җитәкчелегендә бер төркем белгечләр үз эшен булдыручыларга, крестьян-фермер хуҗалыклары башлыкларына дәүләт ярдәме һәм банклар хезмәте турында күпкырлы мәгълүмат җиткерделәр.

Авыл хуҗалыгы предприятиеләрендә эшләүче агроном, инженер-механик, зоотехник, ветеринария табибы, икътисадчы, бухгалтер кебек белгечләр 100 мең сумга кадәр грант ота ала.

Ташбилге авылында Рәмзил Әхмәдиев гаилә фермасындагы 24 сыердан һәр көнне 18 әр килограмм сөт савалар.

Ел буе көтеп алган милли бәйрәмебез – район Сабан туе 8 июньгә, шимбә көнгә билгеләнде.