ЯҢАЛЫКЛАР

22 июнь – Хәтер һәм матәм көне алдыннан Базарлы Матк үзәгендәге Азат итүче һәйкәл янында “Хәтер шәме кабыз” дигән митинг үткәрелде.

Туган як тарихын өйрәнүче якташыбыз Мансур Ганиевкә “Әлки районының мактаулы гражданы”  исеме бирелде.

Россия көне уңаеннан Самара өлкәсендә үткән ат узышларында эшмәкәр Марат Гобәйдуллинның Кавалер исемле  чабышкысы беренче килгән.

Яңа Үргәгар авылы районның иң төзек һәм күркәм торак пункты дип табылды.

​​​​​​​23 июньдә, шимбә көнне, Базарлы Матактагы православие зиратында өмә үткәрелә.

Өмә сәгать 9 да башлана. Ир-атларның моторлы чапкыч, чалгылар белән, хатын-кызларның тырмалар белән килүе сорала.

Максуд ЮЛДАШЕВ, популяр татар җырчысы:

– Район Сабан туе ел­дан-ел ямьлерәк үтә, халыкка ял итәр өчен күбрәк мөмкинлекләр, уңайлыклар тудырыла. Минем нәсел тамырла­рым шушы төбәктә. Ба­лачыгым да биредә узды. Малай вакытта Сабан ту­енда йөрүләрем гел истә. Әлкигә һәрчак дулкынла­нып һәм шатланып кай­там. Сабан туенда җырлап, якташларымның күңелен ачу – минем өчен мәртәбә. Ә күпме дуслар, сыйныфташлар белән очраштым! Абыем гаиләсе белән биредә яши бит, бәйрәмнән соң бергәләп табигатькә чыктык, рәхәтләнеп ара­лаштык, шашлыклар пешердек. Бер сүз белән әйткәндә, Әлки Сабан туе минем өчен истәлекле һәм онытылмас бәйрәм булды.

Сабан туеның иң зур игътибарны җәлеп итә торган, аеруча мавык­тыргыч һәм кызыклы бәйгесе – очындагы читлеккә әтәч урнаштырылган галәмәт озын колгага менү.

16 июньдә “Яшь имәннәр” балалар савыктыру лагере янындагы ямьле үзәнлектә район Сабан туе мәйданы меңләгән әлкилеләрне һәм кунакларны үзенә җыйды.

 Әсхәт ХИСМӘТОВ, Татарстанның халык, Россиянең атказанган артисты:

–Мине район Сабан ту­ена кунак итеп чакырды­лар, бик рәхмәт. Бәйрәмнең күңеллелегенә, матурлыгы­на, оста итеп оештыры­луына чын ихластан шат­ланып, горурланып йөрим. Бик күп район һәм шәһәр Сабантуйларында булыр­га туры килде. Әмма берсе дә үзебезнең Әлкинекенә җитми инде! Бездә халык аерым бер кунакчыл, киң күңелле бит. Күпме таныш­ларымны, авылдашларны, классташларны очрат­тым. Сабан туеннан бик күп матур тәэсирләр алып китәм – алар ел буе күңелне җылытып, рухланды­рып торыр инде.

23 июньдә Кече Чирмешән елгасы буенда Алпарда авыл көне була.

Оештыручылар әлкилеләрне әлеге бәйрәмдә катнашырга чакыра. Районыбыз эшмәкәрләре дә мул товарлары белән Сабан туена рәхим итсеннәр иде.

Бәйрәм 14 сәгатьтә башлана.